Людзі Ікс (англ.: X-Men) — каманда мутантаў-супергерояў у сусвеце Marvel.
Створана аўтарам Стэнам Лі і мастаком Джэкам Кірбі, упершыню з'явіўшыся на старонках коміксу The X-Men #1 у верасні 1963 года. Асноўная ідэя «Людзей Ікс» заключаецца ў тым, што ў той час, як у свеце растуць анты-мутантавыя настроі, прафесар Ксаўер стварыў рай для мутантаў у сваім Уэстчэстэрскам асабняку, каб навучаць маладых мутантаў выкарыстоўваць свае сілы на карысць чалавецтва і даказаць, што мутанты могуць быць героямі. Ксаўер працаваў з Цыклопам (англ.: Cyclops), Чалавекам-лёдам (англ.: Iceman), Архангелам (англ.: Angel), Зверам (англ.: Beast) і Фенікс (англ.: Phoenix), называючы іх «Людзі Ікс» (англ.: X-Men) з-за наяўнасці ў іх звыш-сіл, звязаных з прысутнасцю ў іх арганізме гена Ікс (англ.: X-gene), гена, які звычайныя людзі не маюць і які дае мутантам іх здольнасці. Аднак, першапачаткова «Ікс» (англ.: X) у «Людзях Ікс» (англ.: X-Men) азначаў наяўнасць у мутантаў «звыш» (англ.: extra) сілы, якой не маюць звычайныя людзі. Былі таксама спасылкі на тое, што мутацыі адбыліся ў выніку радыяцыйнага апраменьвання. Комікс часткова натхнёны рухам за грамадзянскія правы чарнаскурых у 1960-х гадах.
Людзі Ікс | |
---|---|
X-Men | |
| |
Інфармацыя пра выдавецтва | |
Выдавец | Marvel Comics |
Першае з'яўленне | The X-Men #1 (10 верасня 1963) |
Стваральнікі | Стэн Лі Джэк Кірбі |
Інфармацыя пра каманду | |
Штаб-кватэра | Інстытут Ксаўера |
Члены | Прафесар Ікс Цыклоп Чалавек-Лёд Архангел Звер Фенікс |
Спіс | Спіс членаў Людзей Ікс |
Медыяфайлы на Вікісховішчы |
У першым выпуску коміксу таксама з'явіўся і закляты вораг каманды, Магнета (англ.: Magneto), які працягваў змагацца супраць Людзей Ікс цягам дзесяцігоддзяў на працягу ўсёй гісторыі коміксу, як у адзіночку так і ў сваім Братэрстве Мутантаў (англ.: Brotherhood of Mutants) (з'явілася ў чацвёртым выпуску коміксу). Сусвет Людзей Ікс уключае таксама такіх вядомых герояў як Расамаха (англ.: Wolverine), Шторм (англ.: Storm), Калос (англ.: Colossus), Эма Фрост, Гамбіт (англ.: Gambit), Начны Змей (англ.: Nightcrawler), Роўг (англ.: Rogue), Псайлак (англ.: Psylocke) і Прывідная Кошка (англ.: Shadowcat). Акрамя Братэрства Мутантаў, ворагамі Людзей Ікс былі такія злодзеі як Вартавыя (англ.: the Sentinels), Апакаліпсіс (англ.: Apocalypse), Злавесны (англ.: Mister Sinister), Марадзёры (англ.: the Marauders), Акаліты (англ.: the Acolytes), Клуб Пякельнага Полымя (англ.: the Hellfire Club) і Чысцільшчыкі (англ.: the Purifiers).
Коміксы пра Людзей Ікс былі таксама адаптаваны ў мультсерыяле, відэагульнях і камерцыйна паспяховай серыі фільмаў.
This article uses material from the Wikipedia Беларуская article Людзі Ікс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.