На гербе Аб'яднаных Арабскіх Эміратаў намаляваны жоўты сокал — знак адзінаўладдзя ў краіне, вялікую частку якой займае пустыня.
Хваставое апярэнне сімвалізуе сем эміратаў — сем пёраў.
Калі раней сакалінае паляванне было для жыхароў узбярэжжа спосабам пражытка, то цяпер яно захавалася ў выглядзе элітарнай забаўкі, даступнай толькі найболей забяспечаным людзям. Цяпер у ААЭ такое паляванне забароненна (дзеля захавання пагалоўя пустынных жывёл), і аматарам гэтага спорту прыходзіцца лётаць у іншыя пустынныя краіны, напрыклад, у Туркменію. Дарэчы, у Дубаі існуе адмысловая лякарня для сокалаў з абсталяваннем для анестэзіі, сардэчнымі стымулятарамі і рэнтгенаўскімі апаратамі.
На грудзі ў сокала ў чырвоным крузе (знак мужнасці і незалежнасці ў дужанні за волю) па блакітных марскіх хвалях плыўна слізгае драўляная шхуна «доу». Менавіта на такіх суднах выходзілі ў мора арабскія нырцы за жэмчугам. І не толькі яны — мора баразнілі ваяўнічыя піраты. Гандаль і марская справа здаўна былі асноўнымі заняткамі жыхароў узбярэжжа. З Захаду і Ўсходу ў парты Аравійскага паўвострава з'язджаліся ювеліры, гандляры жэмчугам і каштоўнасцямі.
This article uses material from the Wikipedia Беларуская article Герб Аб’яднаных Арабскіх Эміратаў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.