Алеся Ігараўна Дацко: Украіскі эканаміст

26 лістапада 1977 года ў Львове) — украінскі навуковец, эканаміст, грамадскі дзеяч, доктар эканамічных навук.

Алеся Ігараўна Дацко
Олеся Ігорівна Дацко
Дата нараджэння	26 лістапада 1977(1977-11-26) (46 гадоў)
Месца нараджэння	Львоў, Львоўскі гарадскі савет, Львоўская вобласць, УССР, СССР
Грамадзянства	Украіна
Маці	Зяновія Міхайлаўна Шульга
Род дзейнасці	вучоная, выкладчыца ўніверсітэта, грамадская актывістка
Навуковая сфера	эканоміка
Месца працы	Львоўская нацыянальная акадэмія мастацтваў
Навуковая ступень	доктар эканамічных навук
Навуковае званне	дацэнт
Альма-матар	Львоўскі гандлёва-эканамічны ўніверсітэт
Навуковы кіраўнік	Анатоль Іванавіч Мокій

Нарадзілася ў Львове ў 1977 годзе. Скончыла львоўскую сярэднюю школу № 40 (1991 год), Украінскі грэка-каталіцкі ліцэй імя Клімента Шаптыцкага (1995 год). Вышэйшую адукацыю атрымала на таваразнаўча-камерцыйным факультэце Львоўскай камерцыйнай акадэміі Укаапсаюзу ў 2000 годзе. З 2001 года працуе ў Львоўскай нацыянальнай акадэміі мастацтваў, з 2004 года — на кафедры менеджменту мастацтва.

У 2010 годзе ў Нацыянальным інстытуце стратэгічных даследаванняў пры Прэзідэнце Украіны абараніла дысертацыю на саісканее навуковай ступені кандыдата эканамічных навук па спецыяльнасці «Развіццё прадукцыйных сіл і рэгіянальная эканоміка» на тэму «Арганізацыйна-эканамічнае забеспячэнне фарміравання міжрэгіянальных кластараў народных тэкстыльных промыслаў».

У 2011 годзе ў Львоўскай камерцыйнай акадэміі Укаапсаюзу абараніла дысертацыю на саісканее навуковай ступені кандыдата тэхнічных навук па спецыяльнасці «Таваразнаўства» на тэму «Выкарыстанне натуральных фарбавальнікаў для пашырэння асартыменту і павышэння якасці тэкстыльных матэрыялаў».

У 2014 годзе атрымала навуковае званне дацэнта. У 2015 годзе скончыла дактарантуру Нацыянальнага інстытута стратэгічных даследаванняў пры Прэзідэнце Украіны.

У 2021 годзе у Львоўскім гандлёва-эканамічным універсітэце паспяхова абараніла дысертацыю на саісканне навуковай ступені доктара эканамічных навук па спецыяльнасці «Эканоміка і кіраванне нацыянальнай гаспадаркай» на тэму «Забеспячэнне эканамічнай бяспекі Украіны: сацыяльна-гуманітарнае вымярэнне».

З’яўляецца аўтарам некалькіх соцень навуковых і навукова-метадычных публікацый, артыкулаў і манаграфій.

Кіраўнік такіх грамадскіх арганізацый як «Цэнтр грамадскіх інавацый» (укр.: «Центр суспільних інновацій»), «Рэформы разам» (укр.: «Реформи разом») і дабрачынны фонд «Мы — адзіная сям’я» (укр.: «Ми — єдина родина»). Удзельнік некалькіх іншых грамадскіх арганізацый, сярод якіх «Абнова» (укр.: «Обнова»), «Народнае дзеянне Львоў» (укр.: «Народна дія Львів») і інш.

Член Грамадскай рады пры Львоўскай абластной дзяржаўнай адміністрацыі, член Камісіі ўнутранай і інфармацыйнай палітыкі, е-кіравання і е-дэмакратыі.

Сакратар навукова-метадычнай падкамісіі па спецыяльнасці «Менеджмент сацыякультурнай дзейнасці» сектара вышэйшай адукацыі Навукова-метадычнай рады Міністэрства адукацыі і навукі Украіны.

• Біяграфія на сайце Львоўскай нацыянальнай акадэміі мастацтваў
• Профіль аўтара ў Google Scholar