Інстытут Рэлігійных Спраў (італ.: Istituto per le Opere di Religione — IOR Архівавана 31 ліпеня 2013.) — дыкастэрыя Рымскай курыі, выконвае функцыі банка.
Інстытут быў заснаваны 27 чэрвеня 1942 года, калі кіраўніком Рымска-каталіцкай царквы быў Папа Рымскі Пій XII.
Паводле статуту, гэты Інстытут быў створаны для таго, каб браць плату і кіраваць рэсурсамі, якія належаць рэлігійным агенцтвам. Інстытут Рэлігійных Спраў дае магчымасць карпарацыям, створаным для рэлігійных мэтаў, інвеставаць сродкі, прыцягнутыя на іх уклады, канфідэнцыйна і без выплаты падаткаў.
Дадзеныя аб дзейнасці і фінансавым становішчы гэтага Інстытута практычна не выдаюцца. Ён адносіцца да ліку банкаў, якія ажыццяўляюць буйныя інвестыцыі ў банкаўскую справу і ў гандаль у Італіі і ва ўсім свеце.
Падчас праўлення Папы Яна Паўла II былі праведзены буйныя рэформы. У 1992 годзе дырэктарам банка быў Джавані Боджа.
У апошнія гады Інстытут быў уцягнуты ў шэраг скандалаў, у прыватнасці ў верасні 2010 года фінансавая паліцыя Італіі канфіскавала з рахунку банка Credito Artigiano 23.000.000 еўра, якія належалі Інстытуту, а таксама зрабіла арышт дырэктара Інстытута Эторэ Гоці Тэдэскі, а таксама генеральнага дырэктара Паала Чыпрыяні па абвінавачванні ў адмыванні грошай.
24 мая 2012 года прайшоў дырэкцыйны савет Інстытута рэлігійных спраў, на якім быў вынесены вотум недаверу дырэктару банка прафесару Гоці Тэдэскі.
This article uses material from the Wikipedia Беларуская article Інстытут рэлігійных спраў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.