Плі́твіцкія азё́ры (па-харвацку: Plitvička jezera) — нацыянальны парк у Харватыі, занесены ў сьпіс Сусьветнай спадчыны ЮНЭСКО.
Разьмешчаны ў Ліцка-сэнскай (90,7%) і Карлавацкай (9,3%) жупаніях.
Нацыянальны парк «Плітвіцкія азёры» | |
---|---|
Plitvice Lakes National Park* | |
Сусьветная спадчына ЮНЭСКО | |
Краіна | Харватыя |
Тып | прыродны |
Крытэры | vii, viii, ix |
Спасылка | [(не абавязковы) ] |
Рэгіён** | Ліцка-сэнская і Карлавацкая жупаніі Харватыі |
Каардынаты | 44°52′50″ пн. ш. 15°36′58″ з. д. / 44.88056° пн. ш. 15.61611° з. д. 15°36′58″ з. д. / 44.88056° пн. ш. 15.61611° з. д. |
Гісторыя ўключэньня | |
Уключэньне | 1979 (3-я сэсія) |
У небясьпецы | так |
* Назва ў афіцыйным сьпісе па-ангельску ** Рэгіён паводле клясыфікацыі ЮНЭСКО |
Паходжаньне маляўнічых Плітвіцкіх азёраў, разьмешчаных у Дынарскім карсьце, унікальнае. За некалькі тысячаў гадоў падземныя воды мясцовай ракі Караны, якія цякуць скрозь тоўшчы вапнавых парод, стварылі натуральныя плаціны-ўступы. Гэта прывяло да фармаваньня цэлага каскаду маляўнічых азёраў, вадаспадаў і пячораў.
Плітвіцкія азёры атрымалі статус нацыянальнага парку, ягоная плошча — каля 19 тыс. га. У межах парку разьмешчаныя 16 буйных і мноства дробных карставых азёраў, якія ў залежнасьці ад месцазнаходжаньня падзяляюцца на Верхнія і Ніжнія. Самае вялікае Верхняе возера — Прошчэ, ягоная даўжыня складае 2,5 км, глыбіня — 37 м. Найбуйнейшае Ніжняе возера — Міланавац, ягоная плошча — больш за 3 га.
Горна-лясны ляндшафт парку дапаўняюць 20 пячораў і 92 вадаспады, уключаючы Састаўцы — самы вядомы ў гэтым рэгіёне вадаспад вышынёй болей за 70 м. У межах парку Плітвіцкія азёры растуць рэліктавыя букавыя і хвойныя лясы. У парку жывуць 126 відаў рэдкіх птушак, а таксама мноства дзікіх жывёл, у тым ліку мядзьведзяў, ваўкоў і казуль.
This article uses material from the Wikipedia Беларуская (тарашкевіца) article Плітвіцкія азёры, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.