НЭОС — Новая Аўстрыя і Лібэральны форум (па-нямецку: NEOS — Das Neue Österreich und Liberales Forum) — лібэральная палітычная партыя ў Аўстрыі.
Была закладзеная ў 2012 годзе пад назовам «НЭОС — Новая Аўстрыя». У 2014 годзе НЭОС аб’яднаўся зь Лібэральным форумам, у выніку чаго атрымаў сучасную назву. З 2018 году старшынёй партыі і парлямэнцкай лідэркай ёсьць Бэата Майнль-Райзынгер. Паводле парлямэнцкіх выбараў 2019 году гэта самая маленькая партыя ў Нацыянальнай радзе Аўстрыі з 15 месцамі. Яна мае прадстаўніцтва ў заканадаўчым органе краіны. Прадстаўніцтва партыя мае ва ўрадах Зальцбургу і Вены. НЭОС ёсьць сябрам Альянсу лібэралаў і дэмакратаў у Эўропе.
НЭОС — Новая Аўстрыя і Лібэральны форум | |
па-нямецку: NEOS – Das Neue Österreich und Liberales Forum | |
Лідэр партыі | Бэата Майнль-Райзынгер[d] |
---|---|
Дата заснаваньня | 27 кастрычніка 2012 |
Штаб-кватэра | |
Ідэалёгія | лібэралізм і праэўрапеізм[d] |
Моладзевая арганізацыя | Маладыя лібэралы Аўстрыі[d] |
Афіцыйны сайт | neos.eu |
Паводле аналізу Венскага ўнівэрсытэту 2016 году палітолягі Давід Ёган, Марсэлё Ені і Сыльвія Крыцынгер назвалі НЭОС клясычнай цэнтрысцкай партыяй. Аўтары прааналізавалі праграму партыі і ейны электарат, і выявілі што партыя паводле сваёй ідэалёгіі месьціцца паміж Аўстрыйскай народнай партыяй (АНП) і Зялёнымі. Яны адзначылі, што праграма НЭОСу пераклікаецца з праграмай АНП у галіне эканамічнай і падатковай палітыкі, а таксама зь Зялёнымі галінах у сацыяльнай і адукацыйнай палітыцы. Выбаршчыкі партыі нават у апытанках паводле простай лева-правай шкалы ёсьць вельмі падобнымі на выбаршчыкаў АНП. Лічыцца, што ў асноўным партыя месьціцца ў самым цэнтры палітычнага спэктру, але мае невялікую тэндэнцыю левага ўхілу.
This article uses material from the Wikipedia Беларуская (тарашкевіца) article НЭОС — Новая Аўстрыя і Лібэральны форум, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.