Грузі́нская ма́ра — Дэмакраты́чная Гру́зія (па-грузінску: ქართული ოცნება – დემოკრატიული საქართველო) — кіроўная партыя Грузіі.
Партыя была заснаваная 19 красавіка 2012 году прадпрымальнікам-мільярдэрам і палітыкам Бідзінам Іванішвілі. У цяперашні час партыя займае 90 месцаў у 150-мясцовым парлямэнце Грузіі. Першапачаткова партыя была зарганізаваная як грамадзкі рух «Грузінская мара», які Іванішвілі запусьціў у якасьці плятформы дзеля сваёй палітычнай дзейнасьці ў сьнежні 2011 году. Паколькі Іванішвілі на момант устаноўчага паседжэньня партыі ня быў грамадзянінам Грузіі, часовым кіраўніком быў абраны адвакат Манана Кабахідзэ. У партыю таксама ўваходзяць некалькі вядомых грузінаў, як то палітык Сазар Субары, былы дыплямат Тэда Джапарыдзэ, шахматны гросмайстар Зураб Азмайпарашвілі, вайсковы аглядальнік Іраклі Сэсіяшвілі, пісьменьнік Гурам Адышарыя і вядомы футбаліст і палітык Каха Каладзэ.
Грузінская мара — Дэмакратычная Грузія | |
ქართული ოცნება – დემოკრატიული საქართველო | |
Лідэр партыі | Іраклі Кабахідзэ |
---|---|
Заснавальнік | Бідзіна Іванішвілі |
Дата заснаваньня | 21 красавіка 2012 |
Штаб-кватэра | Тбілісі |
Ідэалёгія | сацыяльная дэмакратыя, трэці шлях |
Колькасьць дэпутатаў | |
· Парлямэнт Грузіі | 84/150 |
Дэвіз | Свабода, хуткае разьвіцьцё, дабрабыт |
Афіцыйны сайт | gd.ge |
Партыя ня мае выразнай ідэалёгіі. Прычыны гэтага палягаюць у тым, што партыя паўстала з руху ўсёабдымнага фронту людзей, якія выступалі супраць ураду Аб’яднанага нацыянальнага руху Міхаіла Саакашвілі. Леван Лорткіпанідзэ, студэнт паліталёгіі Тбіліскага дзяржаўнага ўнівэрсытэту, ахарактарызаваў яе як партыю намэнклятуры, дзяржаўных службоўцаў, інтэлігенцыі, сярэдніх і буйных бізнэсоўцаў, а таксама тэхнакратаў, якая трымаецца разам праз вернасьць харызматычнаму лідэру апазіцыі ўраду Рэвалюцыі ружаў.
Партыя імкнецца заняць пазыцыю балянсаваньня далейшай эўрапейскай інтэграцыі з падтрыманьнем сувязей з Расеяй.
This article uses material from the Wikipedia Беларуская (тарашкевіца) article Грузінская мара — Дэмакратычная Грузія, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.