Si Lotay Tshering (Dzongkha: བློ་གྲོས་ཚེ་རིང་; Nepali: लोटे छिरिङ, namundag 10 Mayo 1969) sarong politiko asin medikong Bhutanese na iyo ngonyan an presenteng Primer Ministro nin Bhutan, asin yaon sa opisyo poon pa kan 7 Nobyembre 2018.
Siya iyo man an presidente kan Druk Nyamrup Tshogpa poon pa 14 Mayo 2018.
Si Tshering namundag kan 10 May 1969, sa sarong daing-sukat na pamilya. Siya gikan sa baryo nin Dalukha, Mewang Gewog, Thimpu.
Nakua niya an saiyang enot na edukasyon sa Punakha High School asin naggradwar sa Sherubtse College. Dangan siya nagtapos sa Mymensingh Medical College na ini yaon sakop kan University of Dhaka, Bangladesh asin saiyang naresibi an degree nin MBBS kan 2001. Saiyang tinapos an adal niya sa post-graduation sa surgery sa Bangabandhu Sheikh Mujib Medical University sa Dhaka, Bangladesh. Kan 2007, siya nag'adal nin Urology sa Medical College of Wisconsin, sa USA, sa irarom nin fellowship ginawad saiya kan World Health Organisation. Pagbalik niya sa Bhutan, siya sana an nagpapraktis`na may toltol na adal bilang urologist sa Bhutan. Kan 2010, nakua niya an fellowship sa Endourology sa Singapore General Hospital, Singapur, asin sa Okayama University, sa Hapon. Nakakua pa siya nin Master of Business Administration na degree sa University of Canberra, Australya kan 2014.
This article uses material from the Wikipedia Bikol article Lotay Tshering, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.