Krisis Sa Klima
An krisis sa klima sarong termino na naglaladawan panglobong pag-imbong asin pagbago nin klima, asin kan saindang mga danyos.
An termino ginamit tanganing iladawan an peligro an panglobong pag-imbong sa planeta, asin tanganing kuyugon agresibong mitigasyon sa pagbago nin klima. Halimbawa, sa magasin na BioScience, an sarong artikulo kan Enero 2020, na inendorso nin labing 11,000 na syentista sa bilog na kinaban, nagsabi na "an krisis sa klima nag-abot na" asin "kaipuhan an sarong dambuhalang pagpaurog sa hiwas kan paghihingua tanganing ikonserbar an satong biosphere para malikayan an dai masabing pagsakit huli sa krisis sa klima."
An termino pig-aaaplikar kan mga "nagtutubod na ini nagtutulod kan grabidad kan mga peligro na inaatubang kan planeta gikan sa padagos na mga emisyon nin greenhouse gas asin makakatabang sa pagtulod kan klase nin politikal na kusog-buot na haloy nang nawawara sa adbokasiya sa klima". Nagtutubod sinda na, huling an "global warming nakaguno nin emosyonal na interaksyon asin suporta para sa paghiro kisa sa "climate change", an pag-apod sa pagbago nin klima bilang krisis pwedeng magkaigwa nin mas makusog na epekto.
An sarong pag-adal nagpapahiling na an termino talagang nakapukaw nin makusog na emosyonal na reaksyon sa pagtao nin pakamati nin urhensya, alagad an nagkapira nagpapatanid na an mismong simbag na ini tibaad kontra-produktibo, asin pwedeng magbunga nin maraot na epekto huli sa mga persepsyon nin panganang pag-alarma.
Susugan
This article uses material from the Wikipedia Bikol article Krisis sa klima, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.