An durosan pang'elektrisidad o parke sa duros, sarong tiripon nin mga turbinang pangduros yaon sa sarong lokasyon sa pagprodyusir nin duros sa paggibong elektrisidad.
An parke pangduros pwedeng sadit sana konsistido nin magkapirang turbina o pirang gatos na turbina sa duros na nalaklak nin mahiwas na lugar. An parke pwede yaon sa kadagaan o yaon sa katubigan nin dagat.
Kadaklan kan mga parkeng darakula nanggad na namumugtak sa kadagaan makukua sa Tsina, Indya, asin sa Estados Unidos. Halimbawa, an pinakadakulang parkeng durosan sa kinaban, an Gansu Wind Farm sa Tsina may kapasidad na sobra sa 6,000 MW sa 2012, na pig'aabot an 20,000 MW sa taon 2020. Kan Septyembre 2018, an 659 MW Walney Wind Farm sa UK iyo na an pinakadakulang parke sa duros sa kadagaan sa bilog na kinaban. An mga indibidwal na mga turbina an mga desenyo sige an pakusog sa pwersa, na naresulta sa mas dikit na turbina an ginagamit sa pareho mansanang binubunga na pwersa.
An parke sa duros mas magian an epekto sa kapalibutan bakong arog kan ibang estasyon sa enerhiya. An mga parke sa duros sa kadagaan natutuyawan huli ta nagtataong makanos na hitsura sa palibut asin nangangaipo man mahiwas na lugar kaini. Saro pa, napipiritan an mga ini ibugtak sa mga motyong na lugar, pero man logod nakakaribaraw sa habitat kan mga hayop. An mga parke sa duros sinasabi man na balatingaw sa radar, radyo asin telebisyon.
An mga parke sa duros mas pinipili ibugtak sa mga lugar na parangasan, kun saen parati asin mahibog an agi kan duros kun kumpara sa ibang lokasyon.
This article uses material from the Wikipedia Bikol article Durosan Pang'elektrisidad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.