Si Yeng o Clarisse Molin, pinangaki kan Pebrero 4, 1998, tubong Calabanga, Camarines Sur sarong pararawitdawit sagkod parasurat.
Nagtapos siya nin kolehiyo sa Sentral na Bikolnon na Unibersidad nin Estado kan Agrikultura (CBSUA) Calabanga Campus. Saro siya sa alumna sagkod inot na miyembro kan The Writers Project kan 2016, na sarong panitikang organisasyon para sa mga parasurat na estudyante.
Saro sa mga gibo niya an tulang "Sa Ibong nin Mga Lakdang", "Kun Panong Nawara an Calabanga" sagkod an ginibo niya para sa kompetisyon sa rawitdawit sa sa- indang barangay sa San Roque, Calabanga, Camarines Sur an "Pagirumdom ni Senior San Roque."
Kan CBSUA Writers Workshop (CBSUAWW) 2016, saro siya sa naging miyembro kan panel kan ikatulo sagkod ikaapat na CBSUAWW. Nagin miyembro pa siya kan panel kan Second San Miguel Bay Writers Workshop sarong programa kan CBSUA para sa mga parasurat na hali sa mga banwaan na harani sa Baya nin San Miguel (probinsya nin Camarines Sur).
This article uses material from the Wikipedia Bikol article Clarisse Molin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.