Stīvs Džiuobsos

vasarė 24 d. – 2011 m. spalė 5 d.) - JAV versla magnats ė ėšradies. Bova vēns ėš „Apple“ kuompanėjės ikoriejo, anuos vaduovs ė dėrektuoriu tarības narīs. Steve Jobs ikūrė kuomanėjė „Pixar“ ė liōb būt anuos vaduovs. 2006 m. sosėjongė „The Walt Disney Company“ ė „Pixar“, vuo S. Steve Jobs palėka „Disney“ kuompanėjės vaduovu tarības narīs.

8-uojė dešīmtmete pabėnguo Steve Jobs, krūvuo so „Apple“ ikorė̄jās Steve Wozniak ė kėtās, sokūrė vēna ėš pėrmu platē nauduonamu asmenėnėiu kuompioterio. 1986 m. Steve Jobs nosėpėrka luompanėjė „Lucasfilm“, katra vieliau parsėvadėna i „Pixar“. Ons bova vēns „Žaislu istuorėjės“ (1995 m. anėmacėnis fėlms) korieju. Jobsou prėgolė 50,1 % „Pixar“ akcėju lėgė kuompanėjės sosėjongėma so „The Walt Disney Company“ notėkosė 2006 m. S. Jobs grīža i sava ikorta „Apple“ kuompanėjė 1996 m., kūmet „Apple“ nosėpėrka kuompanėjė „NeXT“. Zars pū ton S. Džobsas palėka „Apple“ generalėniu dėrektuorio ė bova vēns ėš „iPod“, „iPhone“ ė „iPad“ korė̄ju. Nū 2003 m. ons kuovuojė so viežio, bat ont pat gala 2011 m. rogpjūte mienesie palėka „Apple“ vaduova puosta.

Jobs gėmė San Francėskė ė bova ivākėnts Puola ė Klaras Jobs šėimuos, katrie gīvena Mauntn Vju, Kalifuornėjuo. Jobs šėima pū ton da ėsėdokrėna dokra, katruos vards - Pati. S. Jobsa biuoluogėnis tievs – Abvdulfattah John Jandali, mosolmuons kėlėma nū Sirėjės ė emėgravės i JAV ė pū ton palėkės puolėtėkas muokslu pruofesuoriom Nevadas onėversėtetė. Ons palėka „Boomtown“ viešbote kazėnuo, katrs īr Nevaduo, vėceprezėdento.

Steve Jobs muotėna – Džoana Schieble (dabartėnė pavardie Simpson), bėngė muokslos Amerėkuo ė īr vuokėška ė švėicarėška kėlėma.

Daba ana īr žaniouta ė ožaugėna Steve Jobsa biuoluogėnė sese Mona Simpson, katra īr rašītuojė.