kas Nier Vikipedėjė
- Vikipedėjė nėr propagandas platfuorma. Vikipedėjės tėkslas nėr idėjū sklaida ėr onū platinėms. Onuoj patėikiamuos žėniuos. Straipsnis Vikipedėjuo pateikiams keik galėm neutraliau. Vengiama vertėnėmu. Nuomuonies pagrėndžiamuos. Paprastā pateikiamuos nuoruodas ė kuonkrečios šaltėnius.
- Vikipedėjė nėr rėklamas leidinīs. Laisvuojė encikluopedėjė neteik rėklamas paslaugū, a onuoj pateikama infuormacėjė - nerėklamoujama.
- Vikipedėjė nėr viešū rīšių agentōr. Onuos tėkslas nėr asmenībiu (klančių "žvaiždžiū") garsėnėms, idiejū puopuliarėnims.
- Vikipedėjė nėr žėniasklaiduos priemuonė. Laisvuojė encikluopedėjė neskelb naujeinū ėr nesivaika sensacėjū.
- Vikipedėjė nėr prokuratōr ar Strasbūra Teismas. Vikipedėjė nėr teisminė ėnstitucėjė, tuodė nesprend kaltōma, teisiū pažeidėma ar onū pripažėnėma klausimū. Vikipedėjė nėr mažumū teisiū gīniej ar skriaudiamū ožtarėj. Tuodė (pvz.: aprašant istuorėjės nutėkėmus, visuomenėnios konflėktus) vengiama kaltėnėmū, (ėš)teisinėmū, kuomentarū.
- Vikipedėjė nėr sociuologėniū tīrėmū ėnstituts.
- Vikipedėjė nėr tarposavio santīkių aiškinėmosi veita. Vikipedėjuo vengiama asmenėškumū.
- Vikipedėjė nėr fanū klōba svetainė. Straipsnē apie garsenībes rašuomi dalīkiškā, vengiant asmenėnio gīvenėmo aprašīmo.
- Vikipedėjė nėr diskusėjū fuorums.
- Vikipedėjė nėra statėstėkuos suvestėnė.
- Vikipedėjė nėr skelbėmū lenta.
- Vikipedėjė nėr bibliuografėjės roudīklė.
- Vikipedėjė nėr žuodīns. Jei Tamista nuor tėk trumpā paaiškėnt sāvuokas ėr pan. - tam labiau tėktū Wikižodīns.
- Vikipedėjė nekōr teorėjū, a tėk onas apraša.
- Vikipedėjė nėr konsultavėma fėrma ar instruktaža muokīkla.
- Vikipedėjė nėr nei virtualioujė muokīkla, nei duorėnio ugdīma īstaiga.
- Vikipedėjė nėr neginčėjamū tiesū ėšsakīmo vieta. Jei Tamistuos ėrašīti teiginē dėdlei daliai kėtū bendrijos nariū kels abejuoniū, onie bos taisuomė arbe net trėnami neklausant Tamistuos sutėkėma. Vikipedėjė īr bendras daugeliuo nariū kartu kōriams pruojiekts, niet tėk atskirū pasisakėmū seka. Žuodio laisve oname pasiekama soteikant galmībe atsėsiūst cielā tōrinī ėr tuoliau plėtuot sava versėjē kuokes nuors prėncėpas, nepažeidantēs GDFL licensėjės sālīgū.
This article uses material from the Wikipedia Žemaitėška article Pagelba:Kas nier Vikipedėjė, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Torėnīs pateikts so CC BY-SA 4.0 lėcencėjė, jēgo nie parašīta kėtāp. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Žemaitėška (DUHOCTRUNGQUOC.VN) is an independent company and has no affiliation with Wiki Foundation.