Département Yvelines: Französisches Département

Es liegd im westlichn Tei vo da Region Île-de-France im Großraum Paris und is noch'm friahan Nam van Woid vo Rambouillet bnennd.

Yvelines
Region	Île-de-France
Prefektur	Versailles
Untaprefektua(n)	Mantes-la-Jolie Rambouillet Saint-Germain-en-Laye
Eihwohna	1.441.398 (1. Jén. 2018)
Dichtn	631 Einw. pro km²
Flächn	2.284 km²
Arrondissements	4
Kantone	21
Gmoana	262
President vom Départementrod	Pierre Bédier
ISO-3166-2-Code	FR-78

As Département Yvelines grenzd: im Noadwestn ons Département Eure, im Noadn ons Département Val-d’Oise, im Ostn ons Département Hauts-de-Seine, im Sidostn ons Département Essonne und im Westn ons Département Eure-et-Loir.

Da Noadn van Département wead in westlicha Richtung vo da Seine duachflossn. Im Sidn liegd da Woid vo Rambouillet (Fôret de Rambouillet), dessn estlicha Tei in an Regionoin Naturpark de la Haute-Vallée de Chevreuse reichd.

Bschreibung: In Blau bsäde goidne Lilien und zwoa süwane Schrägwejnboikn.

Im Département Yvelines wean aa Megalitholong gfundn. Vo de einst 17 bezeigdn san no 8 eahoidn. Ba Épône san mindestns via identifiziad worn, drunta de Pierres de La Justice. De jungstoazeidlichn Kollektivgräba hom vaschiedne Foama de olle in Yvelines voakemma: Allée couverte, de Dolmen, as Hypogäum und Unikate wia de Allée sépulcrale vo Bonnières-sur-Seine. Je noch Gress vo da Olog, kenna se hundade vo Bstottunga sowia reichli Grobbeigom enthoidn, drunta gschliffne Äxte und Klinga aus Feiastoa, Keramik, Knochnweakzeige, Schiefaobjekte und Schmuck.

As Département is 1968 ba da Afteiung van Département Seine-et-Oise in drei kloanare Departements entstondn. De Oadnungsnumma 78 weichd vo da Oiphabetischn Reihnfoig ob, do Yvelines de Numma van afglesdn Département Seine-et-Oise iwatrong worn is.

Ogsichts vo ana Eihwohnazoih, de dea vo Minga entsprichd, und ana zan großn Teizammhängndn Siedlungsfläch is de kommunoie Struktua vo Yvelines stoak zaspliddad. De bevejkarungsreichsdn Gmoana van Département Yvelines san:

As Département wead in foingdn Parlamente representiad:

• duach 12 Obgoadnete van franzesischn Parlament in da Assemblée nationale und sechs Senatoan im Senat,
• duach oan Obgoadnetn im Eiropaparlament,
• duach 28 Regionoiräd im Regionoirod (conseil régional) vo da Île-de-France.

Da Départementrod (conseil départemental) vo da Yvelines zehjd 42 Obgoadnete (conseillers départementaux).

As Département Yvelines gliedad se in 4 Arrondissements, 21 Kantone und 262 Gmoana:

 

• Listn vo de Kantone im Département Yvelines
• Listn vo de Gmoana im Département Yvelines

As Klima vo de Yvelines is a Mischung aus ozeanischn Eihfliss aus'm Westn sowia kontinentoin Eihfliss aus'm Ostn, dennoch obgschwechd duach de Eingeaweamung van Großraum Paris. Es is außadem ned seah feichd, mid nua om duachschniddlichn Joaresniedaschlogsweat vo 600 mm. De kräfting Westwinde schitzn de Yvelines rejativ guad voa Luftvaschmutzung aus Paris. Gwiddrige Long san haifig im Summa oz'treffn. Vo lokoin Obweichunga (Mikroklima) san voa oim de Gebiete on da Seine im Noadn und Sidn betroffn.

Yvelines is Stondort vo zoihreichn Weake vo da Autoindustrie (Citroën, Peugeot, Renault), da Luft- und Raumfoaht- sowia Ristungsindustrie und da chemischn und pharmazeutischn Industrie.

• Cave aux Fées
• Schloss Rambouillet
• Schloss Saint-Germain-en-Laye
• Schloss Versailles

• Yvelines. 78. In: La Grande Encyclopédie. 20 Bände, Larousse, Paris 1971–1976, S. 14749 (franzesisch).

  Commons: Département Yvelines – Sammlung vo Buidl, Videos und Audiodateien

• Département Yvelines (franzesisch)
• Präfektur des Départements Yvelines (franzesisch)
• Les dolmens d'Epone

48.7952.131111111111148° 48′ N, 2° 8′ O