Buagkiacha liegt 424 m iwa NN und hod a Flech vo 46,2 km². De Gmoa bsteht aus oanzelne Teile, davo sand de gressan Gendorf, Hoizn, Grasset, Dorfn und Pirach.
Gschicht
Zum easchtn Moi werd Buagkiacha 790ge gnennt. Im Gütavazeichnis "Indiculus Arnonis", da wo de Besitztümer vom Bistum Salzburg drinstehn, wird "Pohkirch" erwähnt, die Kirche bei den Buchen, des wo da Ursprung von dem Namen "Burgkirchen" is.
Grabungen hobn sogar zoagt, dass Buagkiacha scho 4000 v. Kr. besiedelt war. De oide Villa Rustica hobn damals Barbaren bewohnt, ogfangt bei da Bronze- bis zur Remazeid.
1835 werd a oide Hoiz-Bruggn iba d'Oiz baut und undam Napoleon I werd Buagkiacha 1808 a sejbstständige Gmoa. D'Eisnbahn und a Posthäusl bringt nachad de Bauern-Gmoa in de Neuzeit. So richtig aufganga is nachad 1912, wia d'Oiz korrigiert und 1916-1922 da Kanal baut werd.
D'Oiz is übrigens aus keltischn Wort "Alt" abgleit', wo sovui hoast wia "Fluss, wo zwischa hohe Ufan fließt"
Im Aprü 2008 feiat de Gmoa mit ana Ausstellung "200 Jahre politische Gemeinde Burgkirchen a.d.Alz".
Woppn
S Buagkiacha Woppn zoagt de wirtschaftlichen Zuaständ, wias bis jetz no koa andre Gmoa ned hot. Da friare Bauern-Charakta werd durch des Sensnblattl zoagt, wos aa heid no aktuell is, weils oiwei no 150 Bauern gibt, de in Burgkircha an Bauernhof ham. De Retortn zoagt den Einfluss vo da Chemie, de seit 1940 in Gendorf besteht, ogfangt mit da Anorgana, dann über Hoechst zum heidign Chemiepark Werk Gendorf. De chemische Industrie macht heid an groußn Otei an Orbatsplätzn und Gwerbesteiern aus. Trotzdem is de Gmoa in da unglicklichen Log, a Freibad, a Eishalle und dergleichn nimma dahoidn zu kina.
Im Netz
This article uses material from the Wikipedia Boarisch article Buagkiacha a da Oiz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.
