Pura Bukit Sinunggal utawi sané ketah kebaos Pucak Bukit Sinunggal silih tunggil Pura Dang Kahyangan sané magenah ring Désa Tajun, Kubutambahan.
Pura Bukit Sinunggal kaprecayain pinaka pura sané ngicenin wangsit yéning wénten kabrebehan jagat. Kawéntenan pura bukit sinunggal mapaiketan sareng lelintihan Kerajaan Bedahulu ring abad 8 ngantos abad 14. Piodalan ring Pura Bukit Sinunggal inggih punika ring Purnamaning Kapat utawi ring bulan Oktober. Rikala piodalan Ida Batara nyejer selami pitung rahina. Pura puniki kasungsung miwah kaempon olih solas désa inggih punika Tajun, Tunjung, Depaha, Sembiran, Pacung, Bangkah, Tamblang, Tangkid, Kelampuak, Bulian miwah Tegal.
Pura Bukit Sinunggal | |
---|---|
Inpormasi umum | |
Tipe | Pura |
Pakem Undagi | Bali |
Genah | Désa Tajun Kubutambahan Bali |
Margi | Tajun, Kec. Kubutambahan, Kabupatén Buléléng, Bali 81172 |
Ngawit kawangun | Abad ka-8 |
Manut ring prasastri Sri Kesari Warmadéwa, Pura Bukit Sinunggal sané dumun ketah kabaos Hyang Bukit Tunggal sané magenah ring wewidangan Désa Air Tabah, ring Indrapura. Sane mangkin Désa Indrapura punika ketah kauningin pinaka Désa Depaha. Irika jenek para Mpu minakadi Mpu Danghyang Agenisarma, Sri Naga, Bajra miwah Tri.
Makasami Mpu punika madué swadarma nglapurang indik kahanan miwah saluiring indik/pikobet ring Désa Air Tabah miwah wewidangan Pura Bukit Tunggal ring Sri Paduka Raja Kesari Warmadewa ring Istana Singhamandawa. Punika taler, para empu madué pikayunan jagi nyikiang kayun para kramane mangda sayan adung. .
Para pamedek sané tangkil ring pura Bukit Sinunggal kapertama mersihin raga ring Beji Pura Air Tabah, ngraris nyujur Pura Dasar Bhuwana pinaka Genah Bhatara Siwa Budha wawu nyujur Pura Bukit Sinunggal. Ring Bukit Sinunggal wénten makudang palinggih. Ngawit saking sor, wénten Palinggih Ratu Bagus Manik Ulap (Ampu Lawang) miwah ring jaba wénten Ganapati.
This article uses material from the Wikipedia Bali article Pura Bukit Sinunggal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.