I Madé Sanggra (embas ring Sukawati, Gianyar, 1 Méi 1926 – seda ring Gianyar, 20 Juni 2007 ring yusa 81) inggih punika silih tunggil pangawi sastra Bali sané madué komitmen ngalestariang sastra Bali modéren.
Dané embas ring Sukawati, Gianyar warsa 1926. Dané ngawitin ngripta sastra Bali modéren warsa 1970 antuk nyarengin sayembara taler dados juara ring sayembara punika antuk satua cutetnyané sané mamurda "Katemu ring Tampak Siring". Satua cutet punika taler kadadosang lakon arja olih Prof. Dr. I Wayan Dibia daweg Pésta Kesenian Bali (PKB) 2005. Pupulan puisi Kidung Républik (1997), ngamolihang paica Sastra Rancagé ring warsa 1998. Pupulan puisi puniki pinaka pupulan puisi sastra Bali modéren sané kapertama ngamolihang Penghargaan Sastra Rancage.
I Madé Sanggra | |
---|---|
Embas | 1 Méi 1926 Kecamatan Sukawati, Kabupatén Gianyar, Bali |
Séda | 20 Juni 2007 Kecamatan Sukawati, Kabupatén Gianyar, Bali |
Mabangsa | Indonésia |
Kauningin | pangawi sastra Bali |
Oka | Putu Suarthama |
Sareng pangawi sastra Bali modéren Nyoman Manda saking Gianyar, Madé Sanggra kantos lingsir kantun nerbitang majalah sastra Canang Sari. Dané ngalahin (séda) rahina Buda, 20 Juni 2007.
Ring pinanggal 20 Juni 2019, Kepala Dinas Kebudayaan Bali, Dr. I Wayan 'Kun' Adnyana ngaresmiang Yayasan Wahana Dharma Sastra Madé Sanggra ring banjar Gelulung, désa Sukawati, Gianyar.
Kakawian-kakawian dané sané sampun kawedar inggih punika:
This article uses material from the Wikipedia Bali article I Madé Sanggra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.