Сөннәт Нәфел Намаҙҙары
НӘФЕЛ НАМАҘҘАРЫ— һәр кемдең үҙ ирке, үҙ ихтыяры буйынса уҡый торған намаҙҙар.
Фарыз һәм вәҗеп булмаған намаҙҙар. Фарыз намаҙҙарҙан элек йәки һуң ҡылына торған намаҙҙар ҙа был төргә ҡарай.
Нәфел намаҙҙары шәриғәт тарафынан, намаҙ башҡа дини ғибәҙәттәр менән сағыштырғанда тәҡуалыҡтың иң юғары күрһәткесе икәнен иҫәпкә алып, фарыз намаҙҙарҙа булыуы мөмкин булған хаталарҙы төҙәтеү өсөн урынлаштырылған.
Аллаһынын Илсеһе Мөхәхммәд ғәләйһиссәләм әйткән: «Мәхшәр көнендә кешенән иң беренсе һорау намаҙы хаҡында булыр. Әгәр уның намаҙы уҡылған икән, тимәк, ул кеше хозурлыҡ алыр һәм уңышҡа ҡаҙаныр, әгәр уҡылмаған булһа, барыһын да юғалтыр.
Фарыз намаҙҙарында кәмселеге булһа. Раббыбыҙ әйтер: „Ҡарағыҙ, Минең ҡоломдың нәфел намаҙҙары юҡмы?“. Әгәр булһа, фарыз намаҙҙарының хаталары шул нәфел намаҙҙары менән ҡапланыр. Шунан һуң, уның бөтә ғәмәлдәре шуға тиңләнер».
Рәсүлебеҙ Мөхәммәд ғәләйһиссәләм йәнә әйткән: «Фарыз намаҙынан башҡа ңамаҙҙарҙың мәсеттә уҡылғанға ҡарағанда, өйҙә уҡылыуы яҡшыраҡ. Сөнки өйҙә ике йөҙлөләнеү юҡ. һәм шуның аша йортҡа бәрәкәт килер, фәрештәләр һәм рәхмәт инер, ә шәйтан ҡасыр».
ҠАЙҺЫ БЕР НӘФЕЛ НАМАҘҘАР
Фарыз намаҙҙарын еренә еткереп башҡарыуҙан тыш, мосолман тағы нәфел намаҙҙарын, йәғни әүүәбин, духа, тәсбих һәм тәһәжжүд намаҙҙарын да уҡыһа, бик яҡшы була, сөнки был намаҙҙарҙың сауабы бик күп.
Уларҙа ҙур дәрәжә һәм матурлыҡ бар. Бер ҡодси хәҙистә Аллаһы Тәғәләнең: — Ҡолом фарыздар ярҙамында Минең газабымдан ҡотолор, нәфел-д<гр менән Миңә яҡынайыр", — тигәнлеге хаҡында белдерелә.
| Сөннәт намаҙҙар | ||
|---|---|---|
| Духа | الضحى | иртә |
| Истисҡа | اِسْتِسْقَاء | ямғыр |
| Истихара | اِسْتِخَارَة | дөрөҫ ҡарар |
| Ратибат | صلاة التطوع | 2 рәҡәғәтле теләк теләү |
| Тәсбих намаҙы | صلاة التسابيح | тәүбә намаҙы |
| Тәһәжүд | تهجُّد | йоҡонан торғас |
| Тәрәүих | تراويح | бүлем, ял |
| Кусуф | كسوف | ҡояш тотолоу |
| Хусуф | خسوف | ай тотолоу |
| Намаҙ вуду | صلاة الوضوء | тәһәрәт намаҙы |
| Хәжәт | حاجة | хәжәтеңде һорау |
Әҙәбиәт
- Ислам нигеҙҙәре. /Төҙөүсе, инеш һүҙ авторы Ф. Р. Хоҙайғолов. — Өфө : Китап, 2016. — 144 бит. ISBN 978-5-295-06400-5
- Рәшиҙә Исхаҡи. Намаҙ уҡыу тәртибе. «Дәғүәт» нәшриәте. Нәшриәт рәисе Илшат Хәфизи. Корректор Хөрмәтулла хәҙрәт Буранбаев
Һылтанмалар
This article uses material from the Wikipedia Башҡорт article Нәфел намаҙҙары (сөннәт), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.