قویروق دوغان اولدوزو (عربجه سهیل: ایشیقلی) شاه تخته صورت فلکیسینین ان پارلاق اولدوزودور.
بو اولدوز، کروان قیران(گونئی اولدوزو یادا اینگیلیسیجه : سیروس) اولدوزوندان سونرا ان ایشیقلی اولدوزدور. گؤیده گونئی طرفین ایشیقلی و گؤزه گلیم اولدوزو اولاراق تانینمیشدیر. بو اساسدا قوزئیده تکجه یای فصلینده گؤروشور. آذربایجاندا گؤروشمهسی چتیندیر و یای فصلینده آلچاق گؤیده گؤروشور. آغ دؤو اولدوزدور و ۹ قات گونشدن آغیردیر. قوطرو ۷۰ قات گونشدن بؤیوک و ۳۱۳ ایشیق ایلی بیزدن آرالیدیر. پارلاقلیغی بیزیم گونشدن ۱۰٬۰۰۰ دفعه چوخدور.
قویروق دوغان گونئی اؤلکهلرده آدلیم و قوزئی اؤلکهلرده بیلینمز. آذربایجاندا تکجه یای فصلینده گؤروشوب، گؤی قویروغو آدلانیب و بو اساسدا گؤیده آخیر اولدوزدور. قدیم یونان و رومدا بو اولدوزو تانیمیرمیشلار. میصر و ناواهودا(ما یی بی زو آدی ایله) تانینمیشدیر.
This article uses material from the Wikipedia تۆرکجه article قویروق دوغان (اولدوز), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.