مراغا
| ماراغا | ||||||
|---|---|---|---|---|---|---|
| ||||||
| اساسی قویولوب | اسلامدان سوْنرا آزربایجانین بیرنجی شهری | |||||
| اهالی | ۱۷۵،۲۵۵ نفر (۲۰۱۶ (میلادی)) | |||||
| سوی و دیل | تورک | |||||
| مذهب و دین | موسلمان شیعه | |||||
| بلدیه باشچی‌سی | نادر ابراهیمی | |||||
ماراغا (اینگیلیسجه: Maragheh، فارسجا: مراغه) ایرانین شرقی آذربایجان اوستانین‌دا بیر شهردیر. تبریزدن ۱۳۰ کیلومتر گونئی دوغودا و سهند داغی‌نین گونئیین‌ده یئرلشیر. ماراغا بؤلگه‌سینین اهالیسی ۳۰۰-مین نفر دیر و ماراغا شهرین اهالیسی ۲۰۰۶-نجی ایلده ۱۴۶٬۴۰۵ کیشی حساب‌لانیب‌دیر کی بۇ باخیم‌دان شرقی آذربایجان اوستانین‌دا -تبریز شهرین‌دن سوْنرا- ایکینجی ان بویوک و نوفوس‌لی شهردیر.
دیل
ماراغا اهالیسی دوغو آذربایجانین آیری شهرلری کیمین آذربایجان تورکجه‌سینده دانیشیرلار. ماراغا اهالی‌سینین لهجه‌سی آذربایجان لهجه‌لری بولومون‌ده جیغاتی لهجه‌لرین‌دن سایلیر.
تاریخچه
ماراغا شهری‌نین بیر اوزون تاریخی واردیر و آذربایجانین ان تاریخ‌لی شهرلریندن بیری ساییلیر. بۇ شهر اورتا عصرلرده ماراغا ایلخانی لر دؤولتی نین (ایرانین) باشکندی اوْلموش دیر. سوْنرالار ایرانین ترکیبینده ایکن پایتخت استاتوسونو الده ائتمه سه ده سیاسی ، ایقتصادی ، ایجتیماعی و مدنی باخیمیدان بؤیوک نقش اوینامیش دیر. XVIII عصرده شهر ماراغا خانلیغی نین مرکزی ایدی.
بو شهرده ایندیلیک ده چوخ‌لی تاریخی و گؤزل بینالار یئرلشیلر کی هر ایل چوخ‌لی توریست اؤزلرینه جذب ائدیرلر.
ماراغانین رادیوسی
بو رادیو ۱۳۷۵ ایلینده افتتاح اؤلوب دور کی اؤنون وئرلیک(برنامه)لری آذربایجان دیلینه دوزلیر.رادیو مراغه نین وئرلیک لریندن سیزلر و مسئولار(منطقه نین سورون لارینا گؤره دوزلینیب دیر) و سحر گؤروشین آد آپارا بیلریک.
هؤتل لر
ماراغا دا ایکی دانا هؤتل واردیر کی مؤسافر لره خدمات وئریر. بیری هتل بزرگ مراغه دیر کی دؤرد اولدوزلی بیر هؤتل دیر و شهرین قوزئی باتی سیندا یئرلشیب دیر و ایکینجی ده آلیانس هؤتلی دیر کی اوچ طبقه و ۱۵ دانا اؤتاق واری و شهری گونئی باتی سیندا یئرلشیب دیر.
منطقه‌لر
مراغا شهری بونا گؤره کی بیر بویوک و نفوس‌لی شهر دیر، ایکی منطقه‌یه بؤلونوب دیر. بیرینجی و ایکینجی منطقه. بیرینجی منطقه‌نین نفوسی ۲۰۰۶-نجی ییل‌ده ۶۸٬۴۸۶ کیشی و ایکینجی منطقه نین نفوسی ۷۷٬۹۱۸ کیشی ساییلیب دیر.
ماراغا دا نصیرالدین طوسی یاشاییب و بورادا اونون مشهور رصدخاناسی یئرلشیر.
گورملی و تاریخی یئرلر
- قیرمیزی گونبز
- گوی گونبز
- غفاریه گونبزی
- مدور گونبزی
- ملا رستم مسجیدی
- معزالدین مسجیدی
- طاق مسجیدی
- ضریر مسجیدی
ماراغا حتی مرمر محصولی ایله تانینیر
ماراغانین سوغاتلاری
ماراغا صابونو
ماراغا صابونو آذربایجان و آذربایجاندان اوزاق یئرلرده شؤهرتلی بیر صابون آدی دیر و ماراغادا دوزلن بیر گلنکسل (سنتی) صابون آدی دیر.
- باسلوق
- سوجوق
- قره حالوا
- ایپک فرشی
- باقلوا
- قورو میوه‌لر
- آیران
- اوزوم دوشابی
- یئمیش
قارداشلیق
| تاریخ | اؤلکه | قارداشلیق شهرلری |
|---|---|---|
| ۲۰۰۹ |  | گراژده |
آدلیم‌لار
- عبدالقادر مراغی
- اوحدی مراغه ای
- حاج زین العابدین مراغه ای
- بولود قاراچورلو
قایناقلار
This article uses material from the Wikipedia تۆرکجه article مراغا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.