فارس دیلی
فارس دیلی یادا فارسجا (فارسجا: فارسی) — ایران، افغانیستان و تاجیکیستان اؤلکه‌لرینده دانؽشؽلان دیل، و اؤزبکیستان اؤلکه‌سینده کیچیک بیر آزؽن‌لؽغا صاحیب اوْلان دیل، هیند آورۇپا دیل عائیله‌سینه باغلؽ بیر دیل‌دیر.
هیند-آورۇپا دیل عائیله‌سی‌نین بیر قوْلۇ اوْلان هیند-ایران دیل عائیله‌سی‌نین ایران دیل‌لرینه باغلؽ‌دؽر. فارسجا و لهجه‌لری، ایران، افغانیستان و تاجیکیستاندا رسمی وضعیتی وار. سیا دۆنیا حقاییق کیتابؽنا گؤره، ۶۰ میلیونا یاخؽن آدامؽن آنادیلی فارسجادؽر و جمعاً ۱۱۰-میلیون نفر بۇ دیلده دانؽشماغؽ باشارؽر.
| فارسجا | |
|---|---|
| fārsi | |
| فارسی | |
 فارسی کلمه‌سی فارسجا یازی‌سیله (نستعلیق فونتوندا) | |
| تلفوظ | [fɒːɾˈsiː] |
| دوْغما دانیشانلار |
|
دوْغما دانیشانلار | ۴۵ میلیون (۲۰۰۷) – ۶۰ میلیون (۲۰۱۶) (فارس دیلی‌ایله تانیش اوْلان توپلام ۱۱۰ میلیون (۲۰۱۶)) |
Indo-European
| |
قاباقکی فوْرملار | |
ایستاندارد فوْرملار |
|
| لهجه‌لر |
|
| |
| رسمی وضعیت | |
رسمی دیلی |
|
| تنظیمله‌ین |
|
| دیل کوْدلاری | |
| ISO 639-1 | fa |
| ISO 639-2 | per (B) fas (T) |
| ISO 639-3 | fas – inclusive codeIndividual codes: pes – ایران فارسجاسیprs – دری (افغانیستان فارسی‌سی)tgk – تاجیکجهaiq – ایماقیbhh – بوخاراییhaz – هزارگیjpr – فارسی یهودیphv – پهلوانیdeh – دهواریjdt – جهوریttt – قافقاز تاتی |
| Glottolog | fars1254 |
| Linguasphere | |
 او یئرلرکی فارسجا دانیشانلارین چوخلو سایی‌سی وار | |
 او اؤلکه‌لر کی فارس دیلی اونلاردا رسمیتی وار | |
فارسجانین لهجه‌لری
ایستاندارد فارسجانؽن اۆچ چاغداش واریانتی واردؽر:
- فارسجا: ایراندا دانؽشؽلان چاغداش فارسجا
- دریجه: افغانیستان، اؤزبکیستان و پاکیستاندا دانؽشؽلان فارسجا
- تاجیکجه: تاجیکیستان، اؤزبکیستان و روسیه ده دانیشیلان فارسجا. کیریل الیفباسؽ ایله یازؽلار.
آیرؽ‌جا ایران، افغانیستان و تاجیکیستاندا ایستاندارد فارسجانؽن بیر آز فرقلی اوْلان یئرلی لهجه‌لرده واردؽر. لاری (ایران) و دروازی (تاجیکیستان) بۇلارؽن نۆمۇنه‌سی‌دیر.
ائتنولوق، دانؽشؽل‌دؽغؽ یئرلره گؤره بئله بؤلمک اوْلار:
- باتؽ(غرب) فارسجاسؽ و یا ایران فارسجاسؽ (ایران)
- دوغۇ(شرق) فارسجاسؽ (افغانیستان)
- تاجیکجه (تاجیکیستان، اؤزبکیستان)
- آیماق (افغانیستان)
- بوخارایجه (ایسرائیل، اؤزبکیستان)
- دروازی (افغانیستان، تاجیکیستان)
- دژیدی (ایسرائیل، ایران)
- پهلوانی (سیستان اوستانی‌نین بعضی یئرلرینده و افغانیستان)
چاغداش(مۆعاصیر) ایراندا و یا سرحدلره(مرزلره) یاخؽن بعضی یئرلرده، ائتنیک قۇرۇپ‌لارؽ دانؽشدؽغؽ باغلانتؽ‌لؽ دیللر بۇلاردؽر:
- لورجا ایران‌ؽن گونئی(جنۇب) باتؽ‌سؽندا، لۇرستان و خۇزیستان اۇستان‌لارؽن‌دا
- تالؽش‌جا قوزئی(شیمال) ایران و آذربایجان‌ؽن گونئی(جنۇب) بؤلگه‌لرینده
- تاتجا شرقی آذربایجان اوستانی[قایناق گؤسترین]، زنجان [قایناق گؤسترین] ویا قزوینده. آیریجا آذربایجان [قایناق گؤسترین] ویا روسیه [قایناق گؤسترین] بعضی یئرلرینده دانیشیلیر.
- دریجه (ویا گبری)، ایرانین یزد و کرمان بؤلگه‌لرینده بعضی زردوشتیلر طرفیندن دانیشیلیر.
تاجیکلرین دانؽشدؽغؽ فارسجا، سووئت دؤنمینده آیرؽ بیر ادبیات دیلی حالینه گلمیش اوْلوب، فارسجانؽن بیر لهجه‌سی اولماسؽ قارشؽ آیرؽ بیر دیل سایؽلؽر. ایراندا و افغانیستاندا عرب-کؤکلو فارس الیفباسی ایشله‌نیرکن، تاجیکیستاندا کیریل-کؤک‌لۆ تاجیک الیفباسی ایشله‌نیلیر.
اۆچ لهجه مۆقایسه اولسا، بیر-بیری‌ندن چوْخ فرقلی اولمادؽغؽ گؤرۆلۆر. افغانیستان فارسجاسؽن‌دا، کلمه‌لر فرقلی دئییلسه‌ده، ایران فارسجاسؽن‌دا یازؽلدؽق‌لارؽ کیمی یازؽلؽرلار. تاجیک فارسجاسؽن‌دا ایسه تلفۆظ‌ده‌کی فرق‌لر یازؽیا دا گلیر.
یازی سیستمی
فارسجا ایسلام‌دان قاباق پهلوی الیفباسی ایله یازؽل‌مؽش‌دؽر. بۇگۆن ایسه ایران و افغانیستاندا عرب-کؤک‌لۆ فارس الیفباسی ایله، تاجیکیستاندا دا کیریل الیفباسی ایله یازؽلماق‌دادؽر. ۱۹۶۷ ایلینده فارسجانؽن بیرلشمیش میلتلرین رسمی اساس‌لارؽنا دایانان لاتین الیفباسؽ ایله یازؽلماسؽ ایران طرفیندن قبۇل ائدیل‌دی. آنجاق ایسلام اینقیلابی ایله برابر ۲۰۰۰-ایلینده بۇ سیستئمین تکجه یئر آدلارؽ اۆچۆن ایشله‌نیله‌جگی اعلام اوْلدۇ.
فارسجادا بۇ ۳۲ حرفلر واردیر:
| ا | ب | پ | ت | ث | ج | چ | ح | خ | د | ذ | ر | ز | ژ | س | ش | ص | ض | ط | ظ | ع | غ | ف | ق | ک | گ | ل | م | ن | و | ه | ی |
فارسجا و باشقا دیللر
فارسجا باشقا ایرانی دیللر ایله طبیعی اولاراق بنزرلیک‌لری واردؽر. آشاغؽ‌داکؽ جدول‌ده، نئچه کلمه فارسجادا و دیگر ایرانی دیل‌لرده قارشؽ‌لاش‌دؽرؽلؽب‌دؽر. کلمه‌لرین تۆرکجه معناسؽ سون سۆتۇن‌دادؽر.
| فارسجا | دریجه | تاجیکجه | زازاجا | کوردجه | مازندرانجا | تۆرکجه |
|---|---|---|---|---|---|---|
| آب | Ov | Ob | Awe | Av | ئو | سو |
| یک | Yak | Yak | Yew / Ju /Jew | Yek | ات | بیر |
| شب | Şov | Şeb | Şewe | Şev(bıhêrk) | شو | گئجه |
| خواستن | Xastan | Xostan | Waştene | Xwestin/Wiştin | بخاستن | ایسته‌مک |
| ایستادن | Sitonidan | Stondan | Vindetene | Sekinîn/Rawestin | اِسائن | دورماق |
| گرفتن | Giriften | Giriften | Pé Gırewtene | Pê girtin/Zeftkirin | بَیتِن | توتوب آلماق، توتماق |
| خریدن | Xariden | Hardiden | Hérînayene | Kirîn | بخری‌ین | ساتیب آلماق، پول ایله آلماق |
| چند؟ | Çand? | Çand? | Çend? | Çend? | چَن؟ | نئچه؟ |
| کو؟ | Ku? | Ku? | Koti? | Ku/Kuder/Kuva? | کاجه؟ | هارا؟ |
| چطور؟ | Çitu? | Çitur? | Se? | Çawa/Çilo/Çer/Çitan/Çiton/Çito/Çitu/Çitol? | چِتی؟ | نئجه؟ |
ائشیک باغلانتیلار
- آریانپور سؤزلوک
- فارسجا-تورکجه سؤزلوک Archived 2010-01-24 at the Wayback Machine.
- لیسانی فارسی Archived 2012-12-21 at the Wayback Machine.
- Wikibic Archived 2010-11-25 at the Wayback Machine.
قایناقلار
This article uses material from the Wikipedia تۆرکجه article فارس دیلی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.