فساد (اینگیلیس: Corruption، آذربایجان جومهوریتی: Korrupsiya ، تورکیه:Yolsuzluk) دؤولتین هر هانسی قوروموندا چالیشان و اونا اعتیبار ائدیلهرک وئریلمیش صلاحیتدن شخصی منفعتی اوچون ایستیفاده ائتمه حاللاری آدلانیر.
بو ترمین اساساً بوروکراتیک آپارات و سیاسی إلیته ایله باغلی ایشلهنیر.
فساد وظیفه ده اولانین وظیفه صلاحیتلریندن ایستیفاده ائدهرک قانونلاری هئچه ساییب بو و یا باشقا مسلهنی هانسی بیر جینایتکار قروپون خئیرینه حلّ ائتمهسیدیر. اونا گؤره فساد دئدیکده آنجاق و آنجاق وظیفه ده اولانلاردان صؤحبت گئدیر. ساده جاماعاتی، حتّی جینایتکار ایشآدامینی فسادچی آدلاندیرماق اولماز. همین ایشآدامی روشوت جینایتینه عاییددیر. باشقا سؤزله فساد – وظیفهلی شخصلرین اؤز مؤوقعیتیندن، تمثیل ائتدیگی اورقانین مؤوقیعیتیندن، وظیفه صلاحیتلریندن و یا همین مؤوقعیت و صلاحیتلردن ایرهلی گلن ایمکانلاردان ایستیفاده ائتمکله قانونسوز اولاراق مادّی و سایر نعمتلر، ایمتییازلار و یا گوزشتلر الده ائتمهسی، هابئله فیزیکی و حوقوقی شخصلر طرفیندن قئید ائدیلن مادّی و سایر نعمتلرین، ایمتییازلارین و یا گوزشتلرین قانون سوز اولاراق وظیفهلی شخصلره تکلیف و یا وعد اولونماسی و یاخود وئریلمه سی یولو ایله همین وظیفه لی شخصلرین اله آلینماسیدیر.
This article uses material from the Wikipedia تۆرکجه article فساد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.