دیونیسوس، واکخ، باخوُس، باکخوُس (یونان.
Διόνυσος، Διώνυσος، لاتین. Dionysus معناسی "ایکی دفعه یا ایکینجی دفعه دوغولان" دئمکدیر؛ یونان. Βάκχος، لاتین. Bacchus) — یونان میفولوژیسینده زئوسون اوغلو، پیریاپوسون آتاسی. اولمپلرین ان کیچیگی، شراب، برکت و تئاتر تانریسی. سمبوللاری اوزوم تنگی، سارماشیق، عصا، بوللوق بوینوزو.
زئوس فیوان تزاری کادمانین قیزینا - سملایا وورولور. بوندان خبر توتان هِرا قیصاص آلماق مقصدیله حیلهیه ال آتاراق سملانی دیله توتاراق تاپشیریر کی، زئوسدن دویونون اونون هِرا ایله اولان دویونو کیمی کئچمهسینی خواهیش ائتسین. زئوس اونون خواهیشینی یئرینه یئتیرهرک دویونه ایلدریم چاخدیراراق گلمیش اولور. نتیجهده کادمانین سارایی اودا غرق اولور. یانغین بطنینده آلتی آیلیق اوشاق - دیونیس اولان سملانی اؤلومجول یارالامیش اولور و او، دهشت ایچینده اؤلور. اوشاغی خیلاص ائتمک اوچون زئوس اؤز بودونو یاراراق دیونیسی ایچینه یئرلشدیریر و تیکیر. واختی چاتاندا ایسه تیکیشی سؤکهرک اونو ایکینجی دفعه دونیایا گتیرمیش اولور. بونا گؤره ده اونا دیونیسوس - " ایکی دفعه یا ایکینجی دفعه دوغولان " آدینی وئرمیشلر. دیونیسوسون دیگر بیر لقبی ایسه " میروْرافیسدیر " - "بودا تیکیلمیش" دئمکدیر. دیگر بیر لقبی ایسه "پیریگِن" - " اوددان دوغولموش " دئمکدیر.
هرانین تعقیبلریندن احتیاط ائدن تانری زئوس کؤرپه دیونیسوسو بؤیوتمک و تربیه وئرمک اوچون سملانین باجیسی اینو و اونون اری آتامانتا وئریر. بورادا دا راحاتلیق تاپا بیلمهیهجگینی گؤرن زئوس اونو کئچی بالاسینا دؤندرهرک هرمس واسیطهسیله آسیایا گؤندریر. سیلِندن شرابین حاضیرلانماسینین سیررینی اؤیرنن دیونیسوس بئلهلیکله میصیری، سوریهنی دولاشاراق سرگردانا چئوریلیر و هارادا اولورسا، اورادا اینسانلارا اوزوم یئتیشدیرمگی و اوندان شراب حاضیرلاماغی اؤیرهدیر.
This article uses material from the Wikipedia تۆرکجه article دیونیسوس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.