توپ آغاج
توپ آغاج شهری کۆردوستان اوستانینین شهرلریندن و بیجار شهرستانینین مرکزی بخشی‌نین شهرلریندن دیر.
بوُ شهر ۱۳۹۱-جی ایله‌جه سیلتان قصبه‌سی‌نین کندلریندن ساییلیردی کی اوْ ایلده شهر اوْلوب و توپ آغاج شهری ایله تانیلمیش دیر. بوُ شهر بیجاردان ۳۵ کیلومتیر آرالی دیر. توپ آغاجین اهالی سی آذربایجان تورکجه‌سینه دانیشیرلار و شیعه مذهب دیلار.
| توپ آغاج | ||||||||
|---|---|---|---|---|---|---|---|---|
| ||||||||
| اساسی قویولوب | ۱۳۹۱ | |||||||
| سوی و دیل | آذربایجان تورکجه‌سی | |||||||
| مذهب و دین | موسلمان شیعه | |||||||
| بلدیه باشچی‌سی | مصطفی کاظمی | |||||||
خالق
توْپ آغاج شهری‌نین خالقی تۆرکجه دانیشیرلار و ۵۲۶ عائیله و ۳۵۰۰ نفر جمعیته شامیل اوْلورلار.بوُ شهرین خالقی شیعه مۆسلمان دیرلار. توْپ آغاج شهری‌نین چوْخلو تحصیل‌لی‌لری اوْلاراق بوُنلارین بیجارا کؤچمه‌لری شهرین جمعیتینی تهدید ائله‌ییر.
شهر اوْلماسی
ایرانین سیاسی و دفاعی کومیسیونونون وزیرلری ۲۲/۹/۱۳۹۱ده ۱۶۵۱۰۹/۴۲/۴/۱ نومره‌سینده پیشنهادین اساسیندا توپ آغاج کندی‌نی شهر ائله‌دیلر.
طبیعی وضعیت
توپ آغاج ۱۸۲۴ متیر دنیز سویه‌سیندن بوْیو اوْلاراق سوْیوق هاوا و داغلیق موقعیتی واردیر. رحمان‌داغی بوُ شهرین ۱ کیلومتیرلیگینده و مشیوداغی ۱۴ کیلومتیرلیگینده یئرلشیر.
ایقتیصاد و اکین
توپ آغاج خالقی اکین‌چی‌لیک، خالچا توْخوماق و مالدارلیق ایشینده دیرلر. بوغدا، آرپا، اۆزوم و دن‌لی‌بیتکی‌لر بوُ شهرین اکین محصولاتیندان دیر. منطقه‌نین چوْخلو اهالی‌سی سۆنّتی اکینچیلیگه مشغول دورلار. آغیر سوُسوزلوغا گؤره، اکین‌چی‌لرین مۆشکولو اوْلاراق منطقه‌نین دَرین قوُیویا احتیاحی واردیر. توپ آغاج‌دا بانکلار و اوْ جۆمله‌دن کشاورزی بانکی‌نین ایشله‌مه‌مزلیگینه گؤره، اهالی اؤز بانکی ایشلری اۆچون بیجار شهرینه گئدیرلر.
یوْللار
«راه‌سازی» شیرکتی‌نین آغیر ماشینلاری‌نین گئت‌گلی توْپ‌آغاجین یوْلونا چوْخ ضرر ووُروبدور.
قایناقلار
This article uses material from the Wikipedia تۆرکجه article توپ آغاج, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.