Kəramət Böyükçöl: Azərbaycanlı yazıçı
Kəramət Böyükçöl (tam adı: Kəramət Qəşəm oğlu Nəcəfov; 17 oktyabr 1987, Əliqullar, İmişli rayonu) — Azərbaycan yazıçısı, publisist.
| Kəramət Böyükçöl | |
|---|---|
 | |
| Doğum tarixi | 17 oktyabr 1987 (36 yaş) |
| Doğum yeri | |
| Uşağı | 2 |
| Atası | Qəşəm Nəcəfzadə |
| Təhsili |
|
| Fəaliyyəti | yazıçı, publisist |
| Janrlar | roman, povest[d], hekayə |
| Üzvlüyü |
|
 Vikianbarda əlaqəli mediafayllar | |
Həyatı və fəaliyyəti
Kəramət Böyükçöl 17 oktyabr 1987-ci ildə İmişli rayonunun Əliqulular kəndində anadan olub. Səbail rayonu 51 saylı orta məktəbini bitirib. 2007–2011-ci illərdə Bakı Dövlət Universitetinin Filologiya fakültəsini bitirib.
Azərbaycan ictimaiyyəti onu ANS TV-də qonaq olduğu bir verilişdə dediyi erotik şeirlə tanıdı.
2010-cu ildə Azərbaycan Yazıçılar Birliyinə üzv olmuşdur. 11 noyabr 2015-ci ildə sərt tənqidləri və çıxışları səbəbilə Azərbaycan Yazıçılar Birliyinin üzvlüyündən kənarlaşdırılıb.
Böyükçöl 18 avqust 2020-ci ildə kirayə qaldığı bir evdə sərxoş halda Facebook hesabından açdığı canlı yayımda hökuməti tənqid edərkən polis tərəfindən basılmış və zor tətbiq edilərək saxlanılmışdır. O, canlı yayımda ölkənin digər bəzi məşhurlarına qarşı təhqirlər də etmişdir. Polis verdiyi açıqlamada qonşuların bu vəziyyətdən rahatsız olduğunu və şikayət etdiklərini bildirmişdir. Həmçinin vəziyyətdən rahatsız olduğunu deməyə gələn qonşusunu da təhqir etmiş və onunla dava etmişdir. Həmçinin polis yazıçının pis vəziyyətdə olduğunu və intihar edəcəyindən şübhələndiklərini bildirmişdir. Böyükçöl bir gün sonra sərbəst buraxılmış və yazıçının xəstəxanada məcburi müalicəsinə başlanılmışdır.
YouTube kanalında Kəramətinə şükür adlı həftəlik proqram hazırlamış və bu proqramda siyasi mövzular müzakirə edilmişdir.
7 oktyabr 2021-ci ildə sağlamlıq problemləri ilə əlaqədar olaraq təkrar məcburi müalicə üçün Bakı Şəhər Narkoloji Dispanserə yerləşdirilmiş, və 3 həftə sonra, 26 oktyabr 2021-ci ildə müalicəsini tamamlayaraq buraxılmışdır.
2023-cü ildə Elçibəyin sirri adlı kitabını oxucularına təqdim etmişdir.
Uzun müddət fəaliyyətini səyyar kitab satıcısı kimi davam etdirən Böyükçöl 31 yanvar 2024-cü ildə Kerazon adlı kitab mağazasının açılışını etmişdir.
Böyükçöl davamlı olaraq Azərbaycan Yazıçılar Birliyini və onun üzvlərini tənqid etməkdədir.
Düşüncələri
Böyükçöl sazı "cahillik aləti" adlandırıb və "meyxana kimi bir şey" olduğunu bildirib.
Şəxsi həyatı
2 dəfə evlənmiş, ilk evliliyindən bir qızı, ikinci evliliyindən bir oğlu olmuşdur.
Azərbaycan şairi və publisist Qəşəm Nəcəfzadənin oğludur.
1 bacısı və 1 qardaşı var.
Kitabları
- Çöl, Bakı, 2010.
- Səkkizinci gün, Bakı, Qanun, 240 səh.
- Məni kim tapa bilər?, Bakı, Mücrü nəşriyyatı, 2020. 128 səh.
- Əlqəmə, 2021
- Elçibəyin sirri. Bakı, 2023, 260 səh.
- Səs, 2023.
İstinadlar
Xarici keçidlər
This article uses material from the Wikipedia Azərbaycanca article Kəramət Böyükçöl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.