धान
धान (Paddy) एक प्रमुख फसल होय जवनेसे चाउर निकारि जात है। ई भारत अव नेपाल सहित एशिया औ दुनिया कय बहुत देशन कय मुख्य खाना होय। विश्व मा जोन्हरी कय बाद धान सबसे ढेर बोवे वाला अनाज होय। यकर वैज्ञानिक नाँव ओरिजा सेटिभा होय । वनस्पति वैदिक साहित्य औ पुरातात्विक उत्खनन मा मिला है की धान सबसे पुरान पैदावार होय । हजारों साल पहिले से भारत अव चीन मा यकर खेती होत रहा। धान खेती मा विश्व कै लगभग ९० प्रतिशत क्षेत्र एसिया मा परत है अउर विश्व कय लगभग ९० प्रतिशत धान एसिया मा पैदा औ खपत होत है । संसार भर १५० मिलियन से ढेर इलाका मा धान कै खेती होत है । भारत औ चीन दुनो मिलिकै विश्व कै लगभग आधा धान इलाका समेटे हैं औ ६० प्रतिशत से ढेर मनई चाउर से बना चीज खात हैं । चाउर एसिया कै प्रमुख खाद्य पदार्थ होय ।
इतिहास
धान कै पहिला बिया कहाँ मिला यकिन कै साथे केहु नाइ बता पावत है । सम्भव है कि १०,००० वर्ष पहिले एसिया कै गर्मी इलाका मा धान कै खेती कै शुरुआत भवा रहा । भारत मा हस्तिनापुर (उत्तर प्रदेश)-मा उत्खनन (१०००-७५० इसा पहिले)-कै समय मा धान कै सबसे पुरान नमूना ज़रल अवस्था मा मिला रहा । ढेर कुल जंगली धान मिलेक नाते इ कहि सका जात है धान कै खेति सबसे पहिले भारत मा भवा रहा ।इ विस्वास है कि जंगली धान कै पैदावार पहिले बङ्गलादेश, असम, उडिसा औ एकर आसपास कै इलाकन् मा होत रहा । पच्छु औ उत्तर अफ्रिका (इजिप्ट), पूरुब औ मध्य अफ्रिकन् कै ढेर देशन मा धानेक् खेती होत रहा। ओकरे बादमा धान कै खेती दक्खिन् औ मध्य अमेरिकी देश (ल्याटिन अमेरिका), अष्ट्रेलिया, संयुक्त राज्य अमेरिका औ स्पेन, इटाली औ फ्रान्स जैसन दक्खिन कै युरोपी होए लाग ।
विकास
धान कै २० जाना पहिचाना प्रजाति हैं, लेकिन ओरिजा सेटिभा औ ओरिजा ग्लाबेरिमा कै खालि खेती कइ जात है । ओरिजा सेटिभा एसिया मा पैदा कइ जात है औ ओरिजा ग्लाबेरिमा अफ्रिकामा पैदा होत है। ओरिजा पेरिनिस नाँव कै एक्ठु जंगली धान से ओरिजा सेटिभा कै विकास कइ गा है । ओरिजा रूफिपोगोन नावँ कै प्रजाति एसिया मा बार्हों मास पैदा होय वाला धान होय औ ओरिजा निभारा एक सलहा धान होय। ओरिजा ग्लाबेरिमा सुडान अव पच्छु अफ्रिका कै कवनो जगहमा ओरिजा ब्रेभिलीगुलाटा या ओरिजा ब्राथी से विकासि भवा होइ।
सन्दर्भ
This article uses material from the Wikipedia अवधी article धान, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 के अधीन है जब तक अलग से उल्लेख ना किया गया हो। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki अवधी (DUHOCTRUNGQUOC.VN) is an independent company and has no affiliation with Wiki Foundation.