Tamavafa Gadakiewega Koe Tanzania

Bak 2013, 7 debak ke Tanzania tid ke winugafa vexala ke Tamavafa Gadakiewega : 3 arayaf is 3 tuwavaf is 3 aotcaf.

Winugafa vexala

Bat debak tir iyelaf

Videxo ke Ngorongoro	Welmot : 8292 km²
Aotcaf debak bendeyen bak 1979	Ludeem : (iv) (vii) (viii) (ix) (x)	UNESCO otuk : 39
Debala : Arusha Gola	Maneka : 3° 11′ 13″ G-, 35° 32′ 28″ R-
Videxo ke Ngorongoro moe divatcepe dem werda is molda is ventaala tigir. Exoneyeno bak 1959 wetce seg ta jonkafa malsavera va siday, dem govitaf fled dokruldesa va alizmonamaf Masai vartesik va bonol, tir dem disukexaf Ngorongoro skarn. Kiewega tir zolonapafa ta videra va bligedruca oye tigirake katca tamavon dratcena, is oye for ke govitaf fled tandon blis, is oye tandeafa lamara ke eyundol is uzekol is rayol is ar werdtoraf dunol van lentefa azeka. Rawopafa joxarapa va fartap dem conyuta ke ayafa towara is pouca wal ayik is anameda al bilded, i va tulon serifa koinga evlon gu 3.6 celemda.

Serengeti vedeyaf gerd	Welmot : 14 763 km²
Tuwavaf debak bendeyen bak 1981	Ludeem : (vii) (x)	UNESCO otuk : 156
Debala : Arusha Gola, Mara Gola, Shinyanga Gola	Maneka : 2° 19′ 59″ G-, 34° 34′ 01″ R-
Koe Serengeti azekapa welmon ice san-alub-kunoy km² ton meila, tandeafa lamara ke yona datafa milkava dem decemoy werdtoraf sulem ( eyundol is rayol is uzekol ) onkan gan intaf wivgus katcik van elupkafo lavadaxo va disukexa ke savsaf ugal firvid, i va tana woesa ke tamava.

Rawaks ke Kilwa Kisiwani is Songo Mnara	Welmot : - km²
Arayaf debak bendeyen bak 1981	Ludeem : (iii)	UNESCO otuk : 144
Debala : Lindi, Kilwa utca	Maneka : 8° 57′ 29″ G- ; 39° 31′ 23″ R-
Moe toloya ewalama poke tanzaniafa krimta stabrega ke toloy moltap mafelayan gan taneaf europaf worasik lapted. Mali XIII^-eafa decemda kali XVI^-eafa dolekik ke Kilwa va moava is dilgava is marda is kofiga is porma ke Araba is isolaxa ke Persa is rigela ke Sinia moorteyed, nume va kipi ke kaza koo India Welfa batkane stujeyed.

Selous tuwavaxo	Welmot : 51 200 km²
Tuwavaf debak bendeyen bak 1982	Ludeem : (ix) (x)	UNESCO otuk : 199
Debala : Lindi Gola, Morogoro Gola, Mtwara Gola, Pwani Gola, Ruvuma Gola	Maneka : 9° 00′ G-, 37° 24′ R-
Fuzol is ebeltaf beicekol is cuskol is kustrol is troskol is negova koe bato datafo tumtaxo vas 50 000 km² ware nendoyepeno gu ayik jontikote blid. Gerd tir dem gedrafo ruxaxo, male ekamafo dancaxo kale aftafa aalafa werda.

Kilimanjaro vedeyaf gerd	Welmot : 75 575 km²
Tuwavaf debak bendeyen bak 1987	Ludeem : (vii)	UNESCO otuk : 403
Debala : Kilimanjaro Gola	Maneka : 3° 04′ 01″ G-, 37° 22′ 01″ R-
An ontinuk ke Afrika vas 5895 m-, Kilimanjaro tir tculkaf fluvor dem bumafa vokliba besanafa gu elupkafa nolda vamoe vegungafa meila tigir. Tir dem anamefa meftaala ise va jontik moukol ton kipi tisi ke dratcena katca bravar.

Stone Town ke Zanzibar	Welmot : 0.96 km²
Arayaf debak bendeyen bak 2000	Ludeem : (ii) (iii) (vi)	UNESCO otuk : 173
Debala : Unguja Mjini Magharibi Gola	Maneka : 6° 09′ 47″ G- ; 39° 11′ 21″ R-
Raporafa widava ke Zanzibar tir cuisafa tula ke kazafa Swahili krimtafa widava ke ronefa Arika. Va widavafa layta isu patectoy riwe spaf al vider, isen jontika ilamtafa kolna va intafa manafa araya tcazedad, i va jeawera ke cunkaca vey afrikafa araya isu arabafa isu indiafa isu europafa mali loon tanoya decitda.

Lekeraporugalaf yunkeyen aruleem ke Kondoa	Welmot : 2336 km²
Arayaf debak bendeyen bak 2006	Ludeem : (iii) (vi)	UNESCO otuk : 1183rev
Debala : Dodoma Gola	Maneka : 4° 43′ 26″ G-, 35° 50′ 02″ R-
Koe bata gola vas 2336 km² tigisa moe ronef datceem ke Masai arestoy kene Rift krantap, muta ticukon ice va tilmu kum fulteyaf pist stogoyeyenu gan yalta tigid. Dzeta ke batyona muta remi icle toloya decitda va swala ke raporaf lingeks zanudayad. Disukexaf dotay dem ewava tigis koe loa 150 muta, va fart tis tanafa vrutara va seltaskapafa towara ke gola atoer, mali yestatcabanesik kali vartemidusik, is va gesiana folira isu rieta. Irubasik mone muta gu migura wan gesiad.

Vuestexa

Tamavafa gadakiewega koe Afrika

Angola • Avafrika • Benina • Bissauguinea • Botswana • Burkina • Burundia • Ertra • Gabona • Gambia • Gana • Geeafrika • Geesudana • Guinea • Ityopia • Jazaira • Jibutia • Kaboverdea • Kameruna • Kenya • Komoria • Kongoa • Sokasanerotifa Kongoa • Koteivoira • Lesotoa • Liberia • Libia • Madagasikara • Magriba • Malawia • Malia • Mauritia • Misra • Mozambika • Muritania • Namibia • Nigera • Nigeria • Rwanda • Saotomeprincipea • Senegala • Seycella • Sierraleona • Somalia • Sudana • Swatinia • Taltefa Saxara • Tanzania • Tcada • Togoa • Tunusa • Uganda • Witaluguinea • Zambia • Zimbabwea

This article uses material from the Wikipedia Kotava article Tamavafa gadakiewega koe Tanzania, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kotava (DUHOCTRUNGQUOC.VN) is an independent company and has no affiliation with Wiki Foundation.

Tamavafa Gadakiewega Koe Tanzania

Winugafa vexala

Vuestexa

Tags:

🔥 Trending searches on Wiki Kotava: