Ivan Bolotnikov
Ivan Bolotnikov ( 1565 - 1608 )
| Ivan Isayevitc Bolotnikov ( rossiavon Иван Исаевич Болотников ) tiyir okilik ke sanefa exura ( Восстание Ивана Болотникова ) ke 1606-1607, bak Skaltugal koe Rossia. Bolotnikov wetce levetirik kobliyir voxe den kazakikafa doda ke Don gola otceyer. Gan tatarik ke Krima stekeon zo gralomeyer nume wetce efrudaf levetirik pu turkik zo doleyer. Voxe lajupotceyer aze va Venezia artlapiyir. Azon ko Rossia koo Germana az Polska lajudimlakiyir. Va Putivl widava ( re koe Ukraina ) artlakir viele sanefa kevmadara dilizer. Ton stasik va ayik, Bolotnikov va exura kodirgar isen mukot tir vetrovgara va Vasili Cuyski gindik. Ema ke inafa ervolia kalion laumad, dem levetirik is nuyaf tawadayik is kazakik is aryona saneliafa loma is dace konak oluik. Koe intyona etimara, Bolotnikov osk ta lyumara kev Vasili Cuyski gindik kaber voxosk va tunera va levetiruca dere imaxur.  Nijni Koyli meld ke Bolotnikov kev ervolia ke gindik, lingeks gan Ernest Lissner (1874-1941) Ilamon gu exura, va loon 70 widava vagee Rossia isu vagetalte is koe titefo bostxo ke Volga stujeyer. Mali saneaksat ke 1606 kali san-taneaksat va Moskva deblameyer voxe gan Istoma Packov jiomik zo surteyer nume ko Kaluga gobuluyur. Inyona artowasa etimara kev jiomikeem, va oluamikeem lanedje zobeyes tere vudesiyid, numen zo ceneyer ise poke Tula zo gralomeyer. Koflintayan koe Kargopol, Bolotnikov zo tuwiiskayar aze bak 1608 zo wizuyur. |
This article uses material from the Wikipedia Kotava article Ivan Bolotnikov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kotava (DUHOCTRUNGQUOC.VN) is an independent company and has no affiliation with Wiki Foundation.