Салман Ибну Гӏабдулгӏазиз Сагӏуд
Салман ибну ГIабдулгIазиз СагІуд (гӀар.
31 Декабралъ 1935 соналъул, Ар-Рияд) — СагІудиязул ГІарабиялъул хан, кІиябго хІарамалъул хъулухъчи ва Ал СагІудазул наслоялъул бетIер. Ханасул ханбакIалде вачIана 2015 соналъул 23 январалъ жиндирго вац, хан ГIабдуллагь хун хадуб.
| Салман ибну ГIабдулгIазиз СагIуд | |||
 | |||
| |||
|---|---|---|---|
| 23 Январ 2015 сон | |||
| Цеве вукІарав: | ГIабдуллагь ибну ГIабдулгIазиз СагIуд | ||
| Ирсилав: | МухІаммад ибн Наип СагІуд | ||
| Дин: | ислам, сунияб мазгьабалъул | ||
| Гьави: | 31.12.1935 Ар-Рияд СагӀудиязул ГӀарабия  | ||
| Тухум: | Аль СагIуд | ||
| Эмен: | хан ГIабдулгIазиз | ||
| Эбел: | ХІасса бинту АхІмад Судайри | ||
| Миллат: | гIарабав | ||
| Хъулухъ: | сиясатчи | ||
| Шапакъатал: |
| ||
Салман — ккола СагӀудиязул ГӀарабиялъул тIоцевесев хан ГІабдулгІазиз ибну ГІабдурахІман СагІудил вас, гьев вукIана Пагьд ханасул бищун божарав гIакълучилъун. ХанбакIалде вачIишалда цебе гьев вукIана тушман нахъе чIвалеб министерлъун (2011—2015) ва Ар-Рияд ракьалъул бетӏерлъун (1963—2011).
Жиндирго гӏумру
Гьавуна 1935 соналъул 31 декабиралъ Ар-Риядалда, СагIудил хъизамалда 25-ев лъимерлъун, ХІасса бинту АхІмад Судайрие. Байбихьул лъай гьесие щвана ибну СагIудица жиндирго лъималазе бан букІараб Ар-Риядалъул ханзабазул школалда. Салманица тІалаб гьабуна динияб ва дунявияб гІелмаби.
Салманил 18 сон букІараб мехалъ, гьесул эмен, хан ГIабдулгIазизица, 1953 соналъул март моцІалда гьев вихьизавуна жиндирго вакиллъун ва Риядалъул амирлъун.
Риядалъул амир
1963 соналъул певралалда Салман тІамула Рияд ракьалъул бетӏерлъун. Гьес гьеб хъулухъалда бана 48 сон, 1963-са байбихьун 2011-елде щвезегІан. Бетӏер хІисабалда, гьес гІемераб хІалтІи гьабуна, гьоркьохъеб шагьаралдаса Ар-Рияд кІудияб шагьаралде сверизабизе. Гьес гІемераб кІвар кьуна къватӏиса тира-сверизе бокьулел ва бечедал чагӏи пачалихъалде цІаялъе.
Тушманасдаса цІуниялъул министер
2011 соналъул ноябралда амир Салман тІамана тушманасдаса цІуниялъул министерасул хъулухъалде. Гьеб хъулухъалда гьес хисана жиндирго хварав вац, СултІан. Салман гьединго гъорлъе лъугьана Миллияб хІинкъибукІунгутІиялъул шураялде.
Жиндирго вац Наип ибну ГІабдулгІазиз хун хадуб, 2012 соналъул июналда амир Салман тІамана СагІудиязул ГІарабиялъул ирсилав амирлъун, ва гьединго бетӏерав министерасул наиблъунги.
Хан ва КІиябго хІарамалъул хъулухъчи
2015 соналъул 23 январалъ, жиндирго вац, хан ГІабдуллагь хун хадуб, Салман вачІана СагІудиязул ГІарабиялъул ханлъун ва КІиябго хІарамалъул хъулухъчилъун.
Живго хІукмуялде вачІиналъул хІурматалда Салманица кІиго моцІалъул харж бикьана пачалихъиял хъулухъчагІазе, пенсионеразе ва цІалдохъабазе, тІаса лъугьун тана 500 азарго жамгІиял ишазухъ жанир ккарал ва 133 азарго долларалде бахараб магъалоялги.
Суратал
.jpg)
.jpg)
.jpg)
.jpg)
.jpg)
.jpg)
.jpg)
.jpg)
ХІужаби
Ссылкаби
- Салман бин Абдул Азиз ас-Сауд, наследный принц Саудовской Аравии, передача «48 минут» радиостанции «Эхо Москвы», 7 января 2015
- Принц ас-Сауд на фотографиях официального визита В. Путина в королевство Саудовская Аравия, 11 февраля 2007
Халип:СагІудиязул ГІарабиялъул ханзабазул хъизан
This article uses material from the Wikipedia Авар article Салман ибну ГӀабдулгӀазиз СагӀуд, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент рагьараб буго CC BY-SA 4.0 лицензиялда гъоркь, цогидаб бихьизабун гьечӀони. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Авар (DUHOCTRUNGQUOC.VN) is an independent company and has no affiliation with Wiki Foundation.