Рихьуни

Ри́хьуни букIа, Иргьа́н букIа – цониги рагIуе лъаяца чIчIезабураб этимология гьечIо, амма гьел рагIаби авар (яги аваргун-гIанди) рукIин хIакъаб жо буго. Хьиндаллъуда ругел росабазул цIарал гIемерисеб бутIа лIугIула V сериядул локативазда («жаниб, жанибхун»), гьаниб – V серия. Гьебги кIиго батIияб буго: бигьагояб (-б/-в/-й/-р < *=) ва кIижубараб (-nV- + *=, цIале: -ни-б, -но-б ва гь.ц.). Суффикс -nV букIине бегьула *= гьечIогоги (рорце: къотIно́, чохьо́ни ва гь.ц.), гьедингоял руго Хьиндалазул некIсиял бакIицIаралги: Ри́хьу-ни, Хъара́-ни, Зира́-ни, ГьаркIа́су-ни, Гьара́кIу-ни. Гьелда рекъон, Ри́хьуни абураб рагIиги авараб ккола, амма кьолбол магIна унго кинабали лъазе захIматаб буго. Авар мацIалда рихь абураб рагIуца кьола гьал магIнаби: 1) бидурихь, би жанисан чвахулеб букIунеб къаркъаладулI бугеб мащу 2) хIайваназул гIавратлогол цIар 3) =ихь- «бер балагьун щиб букIаниги цебетIамизе, цебелъезе» кьолбодасан бачIараб р-ихь- абураб яги масдар, яги цIарубакI. Бачине бегьула лъабабилеб момент: гьелда рекъон, Ри́хьуни-дул магIна ккола «бихьулеб жаниблъи [яги росу]», амма нилIеда лъазе ккола Рихьуни бакIалда аварацацин Иргьанинги абулеблъи (яги абулебанлъи). ЛъарагIгун-турказ тIибитIизабулеб буго мекъаб гипотеза, гьазул рагIи кколин гьебан абун, амма гьезда киданиги бичIчIичIо жал мекъ рукIине бегьулин абураб жо: гьаб кьибилгицин бачIине бегьула аваргун-гIанди мацIаздасан. Авараб гIор абураб рагIи лIугьун буго протоаваргун-гIанди мацIадул кьолбодасан, амма гIанди мацIцIазул магIна батIияб ккола – «магIданлъи; магIданлъим» (масала: тIинд. reha < *rihV), гьелда рекъон *ʔirhV-n(V) < *rihV-, «магIданлъим бугеб бакI» магIнагун. Гьебни гьереси гьабизе бегьилаан, амма рихьундерил магърибгун-шималияб рахъалда буго гьабсагIалъгицин reha бугеб бакI. Церегоялдаса нахъе гьенибе хьвадулаан тIолго Хьиндаллъи. Генуса, ГъеникIкIалал тIалъудаса Щугъире рачунеб, гендерил умумуца гIуцIцIараб нухдацин цIар буго Иргьа́нс-Ну́хал абун. Рихьуни букIине бегьула аварабураб *rVhV абураб рагIи. Гьедингояб ккола гIанди́ абурабги – гIандияб *Gʷan- абураб рагIудаса бачIараб.

Росу ккола АваргІорул рагІалда, районалъул центр Унсоколо росдадаса жанубиябгун-бакъбаккулл рахъалдехун 18 км рикІкІад.

• РикIкIун вуго 1.8 азарго чи (2002) соналъ.
• Аваразул (магIарулазул) росо.

• Гьеб букІана (ХIХ гІасруялъ) росдал жамгІияталъул центрлъун.
• ТІубанго биххун букІана (1970) соналъ ккараб ракь багъариялъул хІасилалда.

2008 соналъ Рихьуни хІоралда гъоркье ккун росу тІерхьана, гІадамалин абуни ЦІияб Рихьуни росулIе гочинаруна.

• Бронзадул мехалъ букІараб ракьукь бугеб нохъо.

• Унцукульский район на сайте Президента Республики Дагестан Archived 2016-03-14 at the Wayback Machine
• Топографические карты K-38-XI — 1 : 200 000
• Почтовые индексы и коды ОКАТО — Унцукульский район … Archived 2011-12-04 at the Wayback Machine
• Коды ОКАТО — Унцукульский район

• Дагестанская АССР: Административно-территориальное деление. — Махачкала: Дагестанское кн. изд-во, 1966.
• Дагестанская АССР: Административно-территориальное деление. — Махачкала: Дагестанское кн. изд-во, 1980.

1. перенаправление Шаблон:Унсоколо мухъ

Гьаб макъала буго тIинчI, ва гьaб жеги хIадур гьечIо. Гьабе кумек Википедиялъе, битIизабе ва гьалде тIаде жо жубай.