Nictam ka cenikatek Manawan Kitotakan ekoni apitc ka ocki pitaskicik ka wasikotcotc pisimw 1980.
Metowekamikok ki wectakanionokopan kitci ici actek. Nicowaso tapahikan nac asko e apita tipiskak cetinokopan kitotakan. Nac ki iti petakosihitowokw Opictikweak ka otamirotcik tiripanicic kasetik e tca pe matcetacahakik kitci ki petakotakaniwinik kitotakanik. Natcipictakewinik kice okimaw kepek kirika kanata anihe otci aski ka ici otamirowaspan ni apitc Conseil Atikamekw Montagnais ka tcimatekipan, kitci ki tipatcimowictowakaniwitcik atikamekw iriniokw. Nictam ka ki otamirotcik, enko neki Gilles Ottawa acitc Jacqueline Flamand-Ottawa. La Romaine, Basse- Côte-Nord ki taci kiskinohamasowakopon, ekote nictam ka ki tcimatakanionokoponen tipatcimo kitotakan. Nicw wemotaci iriniokw, Adélard Niquay acitc Alfred Biroté kewirow ki kiskinohamasowakopon. Vincent Ottawa e ki micta witcitakoponen kitci matcamikanik aniheriw tipatcimo kitotakaniw.
Ki takonopan masinactetcitcikanik ka nokok misowe otenak e ki tapikecimatc kitci mitcenik ka masinactepirik. Awacmec mitato pipona ki takon ota Manawanik.
2020 mia ka tato piponikak ki mikwaskemonaniwon aci 40 tato pipon e takok Manawan Kitotakan, ki tca metwaniwon neta ka ocitakaniwok nia apitc kirika Festival Manawan, nikamowiriniw Sakay Ottawa ki ocitaw nikamowiniw neheriw otci. E sakitaian e ntotaman ki icinikatam neheriw nikamowiniw. Ki wicamakaniwok otananik ka ki otamirotatcik tipatcimo kitotakaniw misowe nehirowisiskak e mitcetocteki otenowa. Ocki kekwariw ki actawok ni apitc, kitci masinacteparitciketcik aci kirika. Enko tca ki matcekatek nehe mia ka micta akosinaniwok covid-19. Studio TV CHMK ki icinikatcikatew apitc nac kotak kitci wectakaniwok ke taci miwotakaniwok nehe otamirowin. Ota ici petakon aci www.chmk.net.
This article uses material from the Wikipedia Atikamekw article Manawan Kitotakan 93,1, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Patoc karokitasonaniwon kata natcipatcikatek ohwe mawotosinihikanCC BY-SA 4.0 kekotc nama takatc e itasinatek. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Atikamekw (DUHOCTRUNGQUOC.VN) is an independent company and has no affiliation with Wiki Foundation.