Síndrome De Xerusalén
El síndrome de Xerusalén ye una enfermedá síquica qu'afecta a un turista o un habitante de Xerusalén.
La enfermedá tien el calter d'una sicosis y se exterioriza con signos de delirios: l'afeutáu identifícase dafechu con un personaxe de la hestoria sagrada del Antiguu o del Nuevu Testamentu y actúa como tal.
Munchos personaxes de la Biblia son oxetu d'una identificación d'esti tipu, como por casu Moisés o'l rei David del Antiguu Testamentu, o Xesús de Nazaré y Xuan el Bautista del Nuevu Testamentu. Davezu los homes emulen personaxes masculinos de la Biblia y les muyeres, personaxes femeninos. La confesión relixosa tamién ye importante, yá que los xudíos asonsañen a personaxes del Antiguu Testamentu, y los cristianos suelen asonsañar a los del Nuevu.
La identificación con personaxes bíblicos ye completa y suel dir acompañada por prédiques públiques y plegaries con enfermos. Munchos de los afeutaos acostumen a pasiase vistíos con túniques o sábanes.
Ver tamién
- Síndrome de Stendhal
- Síndrome de París
- Xesús de Nazaré
Referencies
Enllaces esternos
Datos: Q1124410
Multimedia: Jerusalem syndrome
This article uses material from the Wikipedia Asturianu article Síndrome de Xerusalén, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.