La Global Biodiversity Information Facility (GBIF) ye una organización internacional pa promover que los datos científicos sobro biodiversidá tean disponibles n'Internet usando servicios web.
Global Biodiversity Information Facility | |
---|---|
organización internacional, organización ensin ánimu de llucru, infraestructura de investigación (es) , biblioteca de datos, base de datos en llinia, base de datos biolóxica, base de datos taxonómica y base de datos global d'especies | |
Direición | Dinamarca |
Historia | |
Fundación | 2001 |
Participación empresarial | |
Filiales | |
Forma parte de | |
Web oficial | |
Los datos son apurríos por munches instituciones de tol mundu y la estructura d'información de GBIF fai estos datos accesibles y dexa busques nun únicu portal. Los datos disponibles al traviés del portal de GBIF son principalmente datos de distribución de plantes, animales, fungos y microbios, y datos de nomes científicos.
La misión de GBIF ye facilitar l'accesu llibre y abierto a los datos de biodiversidá del mundu pa favorecer un desenvolvimientu sostenible. Les prioridaes, enfotándose en promover la participación y trabayar con socios, inclúin movilizar datos sobro biodiversidá, desenvolver protocolos y estándares p'asegurar la integridá científica y interoperabilidá, construyir una arquiteutura informática que dexe la interconexón de distintos tipos de datos provinientes de fontes desemeyaes, promover la construcción de capacidaes y catalizar el desenvolvimientu de ferramientes analítiques pa una meyor toma de decisiones.
GBIF trata de formar enllaces informáticos ente recursos de datos dixitales de tol espectru de la organización biolóxica (de xenes a ecosistemes), y coneutar estos con problemes importantes pa la ciencia, la sociedá y la sostenibilidá usando xeorreferenciación y ferramientes d'información xeográfica. Trabaya n'asociación con otres organizaciones internacionales como l'asociación del Catálogu de la Vida, Biodiversity Information Standards (TDWG), Consortium for the Barcode of Life (CBOL), la Enciclopedia de la vida (EOL) y GEOSS.
This article uses material from the Wikipedia Asturianu article Global Biodiversity Information Facility, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.