Fiesta Del Pastor
La Fiesta del Pastor celebrase tolos años, el día 25 de xunetu na Vega d'Enol, al llau de los llagos de Cuadonga, Picos d'Europa, nel Principáu d'Asturies.
El primer añu nel que se celebró la fiesta foi en 1939. Foi declarada Fiesta d'Interés Turísticu en 1965, a día de güei son declaraes d'Interés Turísticu d'Asturies. En 1994 el galardón de Premiu Príncipe d'Asturies al Pueblu Exemplar foi concedíu a la comunidá de pastores de los picos d'Europa.
Actos
Dende Cangues d'Onís, a los ocho de la mañana en puntu salen los romeros escontra la vega del llagu Enol, siendo la única nueche del añu na que ta dexada l'acampada.
La fiesta empieza cola tradicional misa na Capiya del Bon Pastor a les diez de la mañana. Una vegada acabada la misa axuntase'l Conseyu Abiertu la Corporación y el Conseyu de Pastores. Una vegada aconceyáu efectúase la repartida equitativo de camperes, escoyese al alministrador de les camperes que s'encarga d'aplicar la llei y a la pastora más guapa.
Mientres el día efectúense xuegos rurales, carrera de caballos a pelo, concurso-exposición d'artesanía tradicional, actuación de grupos folclóricos y l'esguilada a la Porra del Enol.
Datos: Q5861772
This article uses material from the Wikipedia Asturianu article Fiesta del Pastor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.