El catalán occidental o bloque occidental del catalán ye'l conxuntu de dialeutos del catalán falaos al oeste de Cataluña (cuasi tola provincia de Lleida, oeste de Tarragona y Tierres del Ebro), na Franxa de Poniente, n'Andorra y na Comunidad Valenciana.
Esta variente dialeutal nun ye'l dialeutu de referencia culta en Cataluña, pero sí lu ye ente los falantes de la Comunidad Valenciana.
Amás del non amenorgamientu del sistema vocálicu átonu, la mayor traza qu'estrema'l catalán occidental del oriental ye que les e provenientes de les Ē (y llarga) y Ǐ (i curtia) tóniques del llatín pronúnciense como [e] (e zarrada) (cadena [kaˈðena], alé [aˈle], què [ˈke]), ente que nel catalán oriental ye una [ɛ] (y abierta) o [ə] (vocal neutra) nestes pallabres. Tamién la vocal átona [e] puede amenorgase a [a] delantre de consonantes nasales y sibilantes: enveja [aɱˈveiʒa]/[amˈbeʒɛ], espill [asˈpiʎ], eixugar [ajʃoˈɣa(ɾ)].
Como en tolos idiomes, en catalán hai localismos, y dalgunos presenten una distribución que reflexa más o menos la división ente los dos conxuntos dialeutales. Dacuando la pallabra occidental tópase tamién nel dialeutu balear oponiéndose a un localismu propiu del catalán oriental peninsular.
Catalán oriental | Catalán occidental | Aragonés | Asturianu |
xai | corder | corderu | corderu |
mirall | espill | espiello | espeyu |
encomanar | apegar | apegar | apegar |
gla | abiyota | billota, glan | abiyota |
bregar | agramar | agramar | agramar |
lludrigó | catxap | cachapo | gazapu |
arada | aladre | aladro | llabráu |
verola | pigota | picueta | viruela |
llombrígol | melic | melico | embelicu |
nen | xiquet | nino | neñu |
Dacuando'l catalán occidental y l'aragonés oriental (o a lo menos l'aragonés ribagorzanu) tienen traces que los estremen del catalán oriental y del aragonés occidental.
Asturianu | Aragonés occidental | Aragonés oriental | Catalán occidental | Catalán oriental |
páxaru | paixaro | muixón | moixó/pardal | ocell |
This article uses material from the Wikipedia Asturianu article Catalán occidental, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.