Antón García: Escritor asturianu

Fundó les editoriales Tsibros de Frou, Ediciones Trabe y Saltadera. Ye autor d'una obra lliteraria importante que lu convierte nún de los grandes nomes de les lletres asturianes del Surdimientu. Na so obra destaquen los títulos de narrativa El viaxe (1987), Díes de muncho (1998) y Xente tan cerca (2009); y los poemarios Estoiru (1984), Los díes repetíos (1989), Venti poemes (1998) y La mirada aliella (2007). Tamién tradució poemarios como 'Memoria d'outru ríu (1985) y `'Contra la oscuridá', d'Eugenio de Andrade (1988), y coleiciones de cuentos como Los otros feriantes, d'Álvaro Cunqueiro (1999). Otra faceta mui importante de la so trayeutoria ye la d'investigador na lliteratura asturiana, con obres y ediciones como La Xudit, de Xuan González Villar (1990); 'El cuentu asturianu (1860–1936)' (1992); 'El cuentu asturianu tres la guerra' (1998); 'Lliteratura asturiana nel tiempu' (1993); 'Poesía asturiana y traducciones', de Fernán Coronas (1993); 'Cartes a la catedral d'Uviéu y otros poemes', d'Ángeles López Cuesta (1994); 'Obra Poética', de Xuan María Acebal (1995); y 'Obra Asturiana', de Marcos del Torniello (1996). Los artículos y conferencies que foi iguando nestes tres últimes décades sobre lliteratura asturiana axuntólos en dos volúmenes, publicaos nel 2007 y 2011, que tituló 'Xeneraciones y dexeneraciones'. Dirixe amás la revista cultural Campu de los Patos. Amás, ye'l críticu más importante de lliteratura n'asturianu al traviés de les páxines de La Nueva España.

Antón García
Vida
Nacimientu	Tuña y Uviéu, 1960 (63/64 años)
Nacionalidá	España
Estudios
Llingües falaes	castellanu asturianu
Oficiu	escritor, traductor, filólogu

Antón García fue responsable de la Oficina de Política Llingüística del Principáu varios años col últimu gobiernu de Pedro de Silva y dende'l cargu puxó por dalgunos de los más importantes proyeutos en materia de promoción llingüística de la historia autonómica d'Asturies: cursos p'adultos, ayudes a la edición, beques de traducción y investigación, campañes públiques de normalización, encuestes sociollingüístiques (como l'informe Llera Ramo) etc. Cuasi dos décades depués, va ser la so muyer Consuelo Vega la que s'ocupe de la política llingüística, anque yá como direutora xeneral.

La so obra Memoria de Tuña foi reconocida como'l meyor llibru editáu en 2019 pola Tertulia Lliteraria Malory

Narrativa

• El Viaxe (1987)
• El pelegrín valiente (1993)
• Díes de muncho (1998)
• Xente tan cerca (2009)
• Crónica de la lluz y la solombra (2015)
• Memoria de Tuña (2020)

Poesía

• Estoríu (1984)
• Los díes repetíos (1989)
• Venti poemes (1998)
• La mirada aliella (2007)

Traducciones

• Memoria d'outru ríu. Eugenio de Andrade (1985)
• Contra la oscuridá. Eugenio de Andrade (1988)
• Cuentatrapos. Víctor Carbajal (1989)
• Los otros feriantes. Álvaro Cunqueiro (1999)

Estudios y ediciones

• La Xudit. Xuan González Villar (1990)
• El cuentu asturianu. (1860 - 1936). (1992)
• El cuentu asturianu tres la guerra. (1998)
• Del centru a la periferia. (1993) (autor xunto a Consuelo Vega)
• Lliteratura asturiana nel tiempu. (1993)
• Poesía asturiana y traducciones. Fernán Coronas. (1993)
• Cartes a la catedral d'Uviéu y otros poemes. Ángeles López Cuesta (1994)
• Obra Poética. Xuan María Acebal. (1995)
• Obra Asturiana. Marcos del Torniello. (1996)