معركة إسلي هي معركة ناضت ف واد إسلي لقريب ل وجدة بين عسكر لمغريب و فرنسا ف 14 غشت 1844 ب سباب لمعاونة د سلطان لمغريب لمولى عبد رحمان للمقاومة تاع دزاير ضد فرنسا لي كايتزعمها الأمير عبد القادر الجزائري، الشي لي خلى الفرنسيين يهاجمو لمغريب و يضربو ميناء طنجة لي مات فيه أكثر من 155 ميت و تضرب تا ميناء تطوان و ميناء أصيلة.
سالات لمعركة بربيح ديال الفرنسيين، و فرضو شروط قاسحة على لمغريب لي هيا تدي فرنسا شي أراضي مغربية عقاب ليه، و فرضات فرنسا غرامة مالية على لمغاربة و منعاتهوم باش يقدمو الدعم ل دزاير.
معركة إسلي | ||
معلومات أساسية | ||
نوع د لمطايفة | معركة | |
طرف من | لحرب بين لمغريب و فرانسا | |
لبلدان لمعنية | لمغريب | |
لموضع | وجدة | |
معلومات إضافية | ||
مزاود | الموسوعة البريطانية نسخة سنة 1911 |
تتسمى هاذ لإتفاقية معاهدة للا مغنية تسينات ف 1845 و بينات هاذ لمعركة ضعف تاع لمخزن لمغربي ف ديك لوقيتا. و من هاد شروط:
شرط لول: تخلي لحدود مسدودة بين لمغريب و دزاير كيما كانت بين سلاطين لعثمانيين و سلاطين لمغريب لفايتين
شرط2: عينو جوج عساسة على الحدود، واحد فالغرب د لخط ديال لمغريب، او لاخر فالشرق.
من بعد حادثة لفرفارة لي بسبابها حتلات فرنسا دزاير عام 1830، بدات المقاومة ديال دزايريين ب لقيادة تاع الأمير عبد القادر. المغريب ف هاذ لوقيتا كان تيدعم دزايريين و الأمير عبد القادر ملي تغلب ضد فرنسا، نساحب للأراضي د لمغريب، و بالتالي قرر الجيش الفرنسي يتبعو و يفوت لحدود تاع دزاير للمغريب، فديك لوقيتا قرر سلطان لمغربي أبو الفضل عبد الرحمن بن هشام يصيفط ولدو باش يتلاقا معا لعسكر ديال فرنسا بجيش لعدد ديالو 25000 مقاتل على لأكثر.
مشا ولد السلطان و لخليفة سيدي محمد باش يتلاقا مع القوات ديال فرنسا، لكن كان جيش تقليدي بلا تنظيم و بلا سلاح بلا مدفعية وبلا فرقة د المشاة، و لقوات الأساسية ديالو قتاصرات على الفرسان. و عتامدات على السربات لي تشكلو من مقاتلين ماتايفوتش عدد سربة لوحدة 30 عسكري.
خسر الجيش المغربي دغيا و تسحق ب لمدفعية دفرنسا. و سبب لول تاع لخسارة هو الجهل المطلق للتفوق د العسكر ديال فرنسا، و اعتماد الجيش المغريبي على قوات تقليدية.
مباشرة:
ماشي مباشرة:
هاد المعركة كانت بداية تغلغل النفوذ الأجنبي ف لمغريب و تزادت لأطماع ديال أوروپا ف لمغريب.
This article uses material from the Wikipedia داريجة article معركة إسلي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.