لامؤتمر

لمصطلح تخدّم على أحدات و تجمعات، سوا من عند برانيين ؤلا من لمنضمين د التجمع براسهوم، باش يركّزو على الطبيعة اللاهيراركية لي ضد الشكل د التنضيم د لمؤتمرات لعادية، بحال ستيعمال د الزمان محطوط من لفوق فيه عروض ب توقيتات محددة، و لي كيكون مفروض على لمشاركين من اللجنة لمنضمة.

على حساب تيم ؤريلي واحد من الشكال لقدام ديال اللامؤتمر كان نضّمو لعالم لألماني أليكساندر فون هومبولت ف 1828، لي ماركّزش فيه على لخطابات، مي على لملاقيات بين لحاضرين.

لمصطلح النڭليزي unconference بان لمرة اللولة ف إعلان ديال مؤتمر د لموبرميجين د XML ف 1998.

لاجوندا ديال اللامؤتمر كيصاوبوها لمشاركين قبل مايبداو لإجتماع. أي واحد بغى يبدا شي مداكرة على موضوع كياخد لوقت و لمكان ل هادشي. كاينين  حلقات كي كيسيّرهوم الشخص لي قتارح لفكرة، و وحدين خرين كيكونو على شكل مداكرة مفتوحة بين لمشاركين على لموضوع لي تّافقو عليه.

اللامؤتمر كيكون مفيد سيرتو فاش لمشاركين كاتكون عندهوم خبرة عالية ف لمجال ديال النشاط ؤلا لحادات.

كاين عدد ديال لأساليب ؤلا الشكال د التسهيل لي يقدر لواحد ينضم بيهوم لامؤتمر، بحال:

• على حساب لمجال د لإهتمام (ب النڭليزية birds-of-a-feather session)
• نقطاقراطية (تصويت على مجموعة د لإختيارات ب النقاطي، ب النڭليزية Dotmocracy)
• شعلالة ؤلا إڭنايت (عروض زربانين ديال 5 د الدقايق ب صلايدات كيدوزو بزّربة، ب النڭليزية Ignite)
• عروض زربانين (ب النڭليزية Lightning talks)
• طيكنولوجيا لمجال لمحلول (ب النڭليزية Open space technology)
• قهوة عالمية (ب النڭليزية World Café)