زينب فاسيكي ؤلا زينب فاسقي (مزيودة ف 21 يوليوز 1994 ف فاس) هي فنانة كاريكاتيرية مغريبيّة ؤ مُهندسة ميكانيكية ؤ ناشطة ديال حقوق لمرا زيد على داكشي النّشاط ديالها ف مجال تمكين لمرا ؤ لمساواة بين لمرا ؤ رّاجل.
تشهرات زينب ب سباب مشروع دارتو سميتو «حْشُومَة» هاد لمشروع هوّا بزاف ديال تّصاور لفنية لكاريكاتوريّة لي نشراتها عام 2018 ؤ لي كاتصور لعيالات عريانات، ؤ كاتهضر فيه زينب علا ضرورة نحيدو لمعايير لمزداوجة. تعرض لمشروع ل أوّل مرة في مدريد ف صّبليون قبل ما يتعرض من بعد ف رّباط. لهدف ديال زينب فاسيكي من هاد لخدمة هو تحارب رّقابة ؤ تحيد «لمحرمات» ف لمغريب.
زينب فاسيكي | ||
معلومات عامة | ||
زيادة | 21 يوليوز 1994 (29 عام) فاس | |
لجنسية | لمغريب | |
لحرفة | رسام، رسام توضيحي، مهندسة ميكانيك، ناشطة حقوق المرأة و فنانة قصص مصورة | |
لّوغات لي كيعرف | نڭليزية و الداريجة لمغريبية | |
سّيت رّسمي | https://www.behance.net/zainabfasikiart | |
لجوايز |
| |
تزادت زينب فاسيكي ف 21 يوليوز عام 1994 ف مدينة فاس ف لمغريب ؤ قرات تما. تخرجات من لكلية د لهندسة ف يونيو 2017.
بدات زينب رّسم فاش كان ف عمرها ربع سنين، ؤ طورات لموهبة ديالها معا لوقت. كاتركز ف لأعمال ديالها علا رسم تصاور ل راسها مختالفة ؤ متنوعة، كيما كاتخدم شخصيات خياليّة بحال لمرا لمعجزة. ف حوار معاها علا رّسمات لهزليّة ديالها علّقات زينب ب لقول: «تانشوف لمرا بحال شي تمتال ف بلادي، هادشي علاش بغيت نحررها، بغيتهم يكونو حرات".» كاتعاني زينب ف نشر رّسمات ديالها ف لمغريب حيت أغلب لمطبعات ؤ دور نّشر تايرفضو ينشرو ليها.
ف 2014، رحلات ل دارلبيضا فين مازالا عايشة حتال دابا. زينب دخلات ل لݣروپ د سكف كف ؤ نشرات ف 2017 أول كوميك ستريپ ديالها ب سميت "ؤمور" فين ورات صعوبات لي كاتواجه لعيالات ف لمغريب.
تصويرة د لغلاف | لكتاب | تاريخ د لإصدار | ختيصار |
---|---|---|---|
فيروز ف لمواجهة د لعالم - لعنوان لأصلي د كتاب هوّا Feyrouz Versus The World | 2018 | تايعاود لكتاب من خلال مجموعة د تّصاور لقصة ديال واحد لبنت بغات تسافر ل لعالم كامل، ولاكين لقات مشكلة معا فاميلتها لمحافضة. | |
حشومة | 2018 | هو مشروع فنَي فيه مجموعة د تّصاور لي تجمعات ف كتاب. عرضات فيه زينب لأفكار سّلبية لّي منتاشرة ف لمغريب فاش كايتعلق لامر ب تّعامل معا لبنات من صّغر. كيما كتنتاقد تّمييز لي كاتعرض ليه لمرا لمغريبية، ؤ تّحرش ب نّواع ديالو سوا ب لهضرة ؤلا ضّرب، ؤ لشكال لخرة. |
تقدر تزيد شوف بزاف د تّصاور و لمعلومات ديال Zainab Fasiki ف ويكيميديا كومنز. |
This article uses material from the Wikipedia داريجة article زينب فاسيكي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.