برمجة ستونية

وحدة من لخصايل ديال سّتون ف لبرماجة سّتونية هيا بلي كيقدر يتريطي ؤلا يبدل لمحتوى د لخاصيات ديالو (داطا) ب ستيعمال لمفهوم ديال رّاس ؤلا دّات (عادتن كاتّطبق ب this ؤلا self). لپروݣرام ف لبرمجة سّتونية كيتقاد بحيت كيكونو ستونات كيتفاعلو معا بعضياتهوم ف لپروݣرام. كاينين بزاف د نّواع ديال لّونݣاجات سّتونية، ولاكين لمشهورين منهوم (بحال جاڤا) كيخدّمو لمفهوم ديال لكلاص، لّي كيكون سّتون ف هاد لحالة نمودج ديالو، ؤ ف نفس لوقت لكلاص كاتحدد نّوع ديال سّتون (متلا كلاص "طونوبيلة"، نقدرو نقادو منها ستون "ميرسيديس F400 حمرة").

من بين أهم لّونݣاجات لّي معتامدين علا لبرمجة سّتونية كاين: جاڤا، سي++، سي#، پايثون، أر، پيهاشپي، ڤيزوال بازيك ضوت نيت، جاڤاسكريپت، روبي، پورل، سويفت، دارت، سكالا، كوطلين، ؤ ماطلاب.

كلمة "ستون" كيستعمولها لمغاربا ب معنى ديال "شي حاجة" ؤلا "شي فيكرة"، ؤ بهاد لمعنى كاتبان موقابيل مناسب ل كلمة Object ب نّݣليزية، سيرتو ف لإطار ديال لبرمجة سّتونية لّي كيكون لObject فيها عندو معنى تجريدي ماشي ملموس ب ضّارورة.

تقدر تزيد شوف بزاف د تّصاور و لمعلومات ديال Object-oriented programming ف ويكيميديا كومنز.