ݣابرييل بن سمحون: أكاديمي ؤ كاتب إسرائيلي من أصل مغريبي

	ݣابرييل بن سمحون
	معلومات عامة
زيادة	3 ماي 1938 (85 عام); صفرو
لجنسية	إسرائيل ; لمغريب
لحرفة	كاتب
لّوغات لي كيعرف	لعبرية
سّيت رّسمي	https://gabrielbensimhon.com/
لجوايز	(1985) مواطن فخري د مدينة حولون، إسرائيل;

بن سمحون هاجر معا فاميلتو ل إسرائيل فاش كان عندو 9 سنين. بعض لأعمال لأدابية ؤ لمسراحية ديالو فيها تأتير ديال تّقافة لمغريبية، ؤ كيهضر فيها على لهجرة د ليهود لمغاربا ل إسرائيل.

حياتو

جدّ ݣابرييل بن سمحون، رافاييل يعقوب بنسمحون، كان حاخام ؤ دايان (قاضي يهودي) ف فاس ؤ ألف كتوبا على لقانون ليهودي. بّاه داود بنسمحون كان خدّام نجّار، ؤ مّو رينا بنسمحون ألّفات كتاب على لكوزينة لمغريبية. لفاميلة هاجرات ل إسرائيل ف 1947 حارݣين، ؤ لباطو ديالهوم تشد من طاراف سّلطات لبريطانية ؤ بقاو مدة ف قبرص. موراها تسيفط جبريل بن سمحون على عمر د 10 سنين معا خوه صّغير ل إسرائيل، ؤ بقاو ف مؤسسة خاصة ب لأطفال حتا لتاحقو بيهوم واليديهوم. بّاه شارك ف لحرب د إسرائيل ف 1948، ؤ موراها ستاقرو ف مدينة حيفا. كاينين بزاف د لأفراد ديال فاميلة بنسمحون لي باقين مدفونين ف لمقبارة ليهودية د فاس.

من 1956 تال 1962 كان دار سّربيس لإجباري د لعسكر.

بن سمحون دار لأداب ؤ دّراسات تّوراتية ف لجامعة لعبرية د لقدس، ؤ مشا موراها ل سوربون ف فرانسا فين خدا دوكتورا ف لمسرح ؤ صيناعة د لأفلام. كان ؤستاد ف شّعبة د لأفلام ؤ تّلفازة ؤ فنون لمسرح ف جامعة تل أبيب تال 2006. ؤ ؤستاد زاير ف عاداد د لجامعات ف لميريكان، بحال جامعة نيويورك، جامعة كاليفورنيا لوس أنجيليس، ؤ جامعة كورنيل.

لباحت لمغريبي لعياشي لعدراوي طرجم جوج أعمال ديالو ل لعربية، ؤ علن بلي ف طور طرجامة واحد منهوم، "ماليك مغريبي"، ل دّاريجة.

ݣابرييل بن سمحون مجوج ؤ عندو تلاتة د لولاد.

لأعمال

مسراحيات ؤ روايات

מלך מרוקאי: דרמה קבלית בשלוש מערכות [ماليك مغريبي: مسراحية من تلاتة د لݣزوات] (ب العبرية). 1980.
- ملِكٌ مغربي (ب لعربية). مطرجم من طاراف لعياشي لعدراوي. 2021. ص. 117. ASIN B094NF629F.
פנטזיה מרוקאית [فانطازيا مغريبية] (ب العبرية). 2009.
נערה בחולצה כחולה [لبنت مولات لّبسة زّرقا] (ب العبرية). 2013.
המרוקאי האחרון [لمغريبي لّخر] (ب العبرية). 2016.
- المغربي الأخير: رواية (ب لعربية). مطرجم من طاراف لعياشي لعدراوي. 2020. ص. 249. ASIN B08R8RL262.
כל אהבותי [ݣاع لحب ديالي] (ب العبرية). 2022. ص. 215. ردمك 979-8411134667.

كتوبا أكاديمية

A Woman with Three Breasts - Women in the Cinema of Federico Fellini (ب نڭليزية). 2017. ردمك 978-1520861005.

أفلام

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

عيون لكلام

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.

This article uses material from the Wikipedia داريجة article ݣابرييل بن سمحون, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.