صّنادق د لمعلومات هوما لقوالب لّي كايعطيو معلومات مختاصرة على لموضوع د لمقالة ؤ يمكن يكونو فيهوم تصاور ؤلا خرايط متلا.
صّنادق كايعاونو باش نستاغلّو لمعلومات لّي كاينين ف ويكيداطا ؤ لّي يمكن يتزادو ب شكل ؤطوماتيكي.
كيفاش تزيدهوم؟ : يلا كنتي كاتستعمل ليديتور لمتشاف، كاتدير إدراج - > قالب -> قلّب على سميت الصّندوق. سينو كتب سّمية ديال لقالب ف لبلاصة فين بغيتيه يبان، بين جوج قواس مزوّقين مضوبلين {{ }}.
أسهل طريقة باش تقاد صندوق جديد د لمعلومات هوّا تكوپي صندوق ديجا كاين، ؤ تعدّل عليه باش يعطيك نّوع د لمعلومات لّي بغيتي. لّي خاص تنتابه ليه هوّا سّمية ديال لخاصية (Property) لّي كتمتّل نّوع د لمعلومة لّي بغيتي. متلان تّصويرة كيكون لكود ديالها عادة هوّا P18. باش تلقا لكواد ديال لخاصّيّات، خاص تمشي ل لپاج ف ويكيداطا ديال شي متال د موضوع بغيتي تكتب عليه ؤلا تزيد فيه. متلا يلا كنتي باغي تقاد صندوق د لمعلومات ديال لمدون، باش تزيدو ف لپاج ديال طنجة ؤلا أي مدينة خرة، تقدر تمشي ل لپاج ديال طنجة ف ويكيداطا، ؤ تمّاك يلا دوّزتي سّوري علا سّمية ديال شي خاصية، ؤلا ڭاع كليكيتي عليها ؤ دخلتي ل لپاج ديالها، غادي يبان ليك لكود ديالها (عادة ديما كيبدا ب لحرف پي P).
جميع الصنادق د لمعلومات خاص يكونو تحت من هاد التصنيف. هادو بعض الصنادق لي مخدمين بزاف:
لمجال | النوع | سميت قالب الصندوق | ميتال د مقالة كايبان فيها |
---|---|---|---|
بيوڭرافيا | شخص | موضيل:معلومات شخص | توريا جبران |
ليسانيات | لوغة | موضيل:معلومات لوغة | الدارجة |
ثقافة | معلمة | موضيل:معلومات معلمة | قصر آيت بن حدو |
جغرافيا | مدينة | موضيل:معلومات مدينة | مراكش |
جغرافيا | جهة | موضيل:معلومات جهة | جهة مراكش آسفي |
جغرافيا | دولة | موضيل:معلومات دولة | المغريب |
رياضة | بطولة كرة قدم | موضيل:معلومات بوطولة د لكورة | بوطولا 1 |
رياضة | فريق كرة قدم | موضيل:معلومات فرقة د لكورة | الرجاء لبيضاوي |
رياضة | ملعب | موضيل:معلومات تيران | تيران بن بطوطة |
فن | سيرية/مسلسل | موضيل:معلومات تلفازة | بن 10 |
فن | فيلم | موضيل:معلومات فيلم | ݣلادياتور (فيلم) |
فن | مانڭا | موضيل:معلومات مانݣا | شينݣيكي نو كيوجين |
طيكنولوجيا | كريپطوعملة | موضيل:معلومات كريپطوعملة | بيتكوين |
تاريخ | مدينة أترية | موضيل:معلومات مدينة أترية | وليلي |
أنفورماتيك | سوفتوير | موضيل:معلومات سوفتوير | بيتكوين كور |
This article uses material from the Wikipedia داريجة article ويكيپيديا:صنادق د لمعلومات, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.