كيفاش تتبع و تزيد ف لفقرة د لوفيات ف الصفحة اللولة
لفقرة د لوفيات هيّ واحد لفقرة جات ف لتحت ديال لقيسم أش طاري؟ علّيسر ف الصفحة اللولة.
لهدف ديال هاد لفقرة هوّ تتبع لوفيات ديال شخصيات لي تّكتب عليهوم ف ويكيپيديا ب الداريجة، ؤلا لي خص يتّكتب عليهوم (مغاربا عندهوم ملحوضية، شخصيات عالمية معروفة، شخصيات عندها ملحوضية و عندها رتيباط ب لمغريب...)، و لي ماتو ف لعام الجاري.
باش تزيد ف هاد لفقرة كاينين مجموعة د لمديورات لمزيانين لي جاو من التجارب د لكتاتبيا د ويكيپيديا، لي يقدر لواحد يطبّقهوم باش مايزڭلش بزاف د السميات لي عندهوم أهمية. يلا عندك شي طريقة ديال التتبع لي كاتخدم بيها و لي ماكايناش هنا، ماتزقرمش بيها، زيدها عافاك ف الليستة لتحت.
ويكيداطا
- سير ل ويكيداطا و ف السربيس د لكويريات:
- جبد لمغاربا لي عندهوم مقال ف ويكيپيديا ب الداريجة ب هاد لكويري، و شوف واش خاص لمقال ديالهوم يتم التجديد ديال لمعلومات لي فيه، و واش السميات ديالهوم ديجا تزادو ل التصنيف و الليستة د لوفيات د هاد لعام
- لونصي هاد لكويري باش تجبد الليستة د لمغاربا لي ماتو هاد لعام و ماعندهومش مقال ف ويكيپيديا ب الداريجة.
- ب هاد لكويري جبد الليستة د الناس لي ماشي مغاربا لي ماتو ف لمغريب هاد لعام. التركيز هنا سيرتو على الناس لي عندهوم علاقة قوية معا لمغريب (متلا عاشو مدة تماك).
- ب هاد لكويري جبد الليستة د الناس لي ماشي مغاربا لي تزادو ف لمغريب و ماتو فهاد لعام. التركيز هنا سيرتو على الناس لي عندهوم علاقة قوية معا لمغريب (متلا عاشو مدة تماك)، ؤلا ليهود لمغاربا لي تزادو ف لمغريب و هاجرو (شي مرات ماكيديروش ليهوم جنسية = لمغريب، ف ويكيداطا).
قلّب ف ويكيپيديات خرين
شوف ويكيپيديات خرين، سيرتو لي كيكتبو فيهوم لمغاربا بزاف (لعربية، لفرانساوية، النڭليزية)، و قلب ف التصنيف د لوفيات د هاد لعام (موقابيل ديال تصنيف:وفيات 2024) واش فيهوم مغاربا. كاينين شخصيات لي يقدرو مايكونوش عندهوم ستونات د ويكيداطا، ؤلا يكونو لمعلومات لأساسيين ديالهوم ناقصين تماك، بحيت مايبانوش ف النتايج د لكويريات د لفوق.
قلّب ف مصادر إعلامية
شوف مصادر إعلامية مغريبية معروفة، و شوف لوفيات لي تّعلنو فيها هاد لعام. تيقّن عافاك بلي الشخصيات لي توفّات كاتحقق الشروط د لملحوضية.
أمتلة ديال مصادر إعلامية مغريبية موتوقة:
This article uses material from the Wikipedia داريجة article معاونة:كيفاش تتبع و تزيد ف لفقرة د لوفيات ف الصفحة اللولة, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.