ضو النهار
ضو النهار هو لمجموع ديال الضو اللي كايجي ديريكت وحتى اللي ماشي نيشان فوقت النهار.
هادشي داخل فيه الشعة ديال الشمش، التوهج ديال السما، وغالبا هاد الجوج فاش كايكونو منعاكسين على لأرض أولّا لأجسام تاوعها بحال التضاريس ولبني. الضو دالشمش اللي منعاكس من لأجسام السماوية لخرين ماكايتعتابرش ضو ديال النهار. هادشي علاش ضو لݣمرة ماداخلش فضو النهار واخّا هو نعيكاس ديال ضو الشمش على لقمر. النهار هو لفترة فاش كايكون ضو النهار. كايطرا ضو النهار حيتاش لأرض كاتدور على راسها، والجيهة اللي كاتضوّيها الشمش هي اللي كاتعتابر فيها ضو النهار.
التعريف
ضو النهار كايكون فشي بلاصة فاش كاتكون الشمش فوق لخط دلأفق تاعها. هادشي صحيح لشوية كتر من النص ديال لأرض. الضويان لخرجاني يقدر يكون من 120 ألف لوكس (ضو الشمس فالنهار)، واللي يقدر يضرّ لعينين، حتال 5 لوكس إلا كان غمام كتير وغليض وقت الشروق أولّا لغروب (قل من 1 لوكس ݣاع فحالات ستيتنائية). هادشي يقدر يخلّي الضل يبان فاش پوطويات تاع الضو ديال الزنقة بعاد. تقدر تكون الدنيا مضلمة كتر فاش كايكون لكسوف أولّا لجو عامر بلجزيئات ديال التراب، الرملة، الرماد، ولغبرة دلبراكين.
الجهد
لمستويات ديال الضو فالنهار هوما هاكدا. لوحدة ديال لقياس تاع الجهد ديال الضو أولا الشعة هي اللوكس.
| الضويان | ميتال |
|---|---|
| 120,000 لوكس | أقصح ضو ديال الشمش. |
| 111,000 لوكس | ضو ديال الشمش قاصح. |
| 20,000 لوكس | ضل مضوي بسما زرقا كاملها صافية فوسط النهار. |
| 1,000–2,000 لوكس | وسط نهار مغيم عادي. |
| 400 لوكس | الشروق ولّا لغروب فنهار صافي. |
| قل من 200 لوكس | وسط نهار مغيّم بلا قياس. |
| 40 لوكس | سما كاملها مغيّمة فوقيتة الشروق ولّأ لغروب. |
| قل من 1 لوكس | سما مغيمة بلا قياس بغيوم تاوع لعاصيفة فوقيتة الشروق/لغروب. |
عيون لكلام
 | تقدر تزيد شوف بزاف د تّصاور و لمعلومات ديال Sunlight ف ويكيميديا كومنز. |
This article uses material from the Wikipedia داريجة article ضو النهار, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.