Wīdsīð

gearhundrede, þǣrof se mǣsta dǣl is of Germanie þǣre Folcƿanderungylde.

Manig sind þās folc and mǣgþa, and manig sind in stǣre forloren.

Fers i

Ƿidsið maðolade
ƿordhord onlēac,
se þe monna mǣst
mǣgþa ofer eorþan,
folca geondfērde;
oft hē on flette geþāh
mynelicne māþþum.
Him from Myrgingum

Fers ii

æþele onƿōcon.
He mid Ealhhilde,
fælre freoþuƿebban,
forman sīþe
Hrēðcyninges
hām gesōhte
ēastan of Ongle,
Eormanrīces,
ƿrāþes ƿǣrlogan.
Ongon þa ƿorn sprecan

Fers iii

Fela ic monna gefrægn
mǣgþum ƿealdan!
Sceal þēodna gehƿylc
þēaƿum lifgan,
eorl æfter ōþrum
ēðle rǣdan,
se þe his þēodenstōl
geþēon ƿile.
Þāra ƿæs Hƿala
hƿīle sēlast

Fers iiii

ond Alexandreas
ealra rīcost
monna cynnes,
ond hē mǣst geþāh
þāra þe ic ofer foldan
gefrægen hæbbe.
ætla ƿēold Hunum,
Eormanrīc Gotum,
Becca Baningum,
Burgendum Gifica.

Fers u

Cāsere ƿēold Crēacum
ond Cælic Finnum,
Hagena Holmrygum
ond Heoden Glommum.
Ƿittaƿēold Sƿǣfum,
Ƿada Hælsingum,
Meaca Myrgingum,
Mearchealf Hundingum.
Þēodric ƿēold Froncum,
þyle Rondingum,

Fers ui

Breoca Brondingum,
Billing Ƿernum.
Ōswine ƿēold Eoƿum
ond Ytum Gefƿulf,
Fin Folcƿalding
Fresna cynne.
Sigehere lengest
Sædenum ƿeold,
Hnæf Hocingum,
Helm Ƿulfingum,

Fers uii

Ƿald Ƿōingum,
Ƿōd þyringum,
Sæferð Sycgum,
Sƿēom Ongendþēoƿ,
Sceafthere Ymbrum,
Sceafa Longbeardum,
Hūn Hætƿerum
ond Holen Ƿrosnum.
Hringƿeald ƿæs hāten
Herefarena cyning.

Fers uiii

Offa ƿēold Ongle,
Alewih Denum;
se ƿæs þāra manna
mōdgast ealra,
nō hƿæþre hē ofer Offan
eorlscype fremede,
ac Offa geslōg
ǣrest monna,
cnihtwesende,
cynerīca mǣst.

Fers uiiii

Nǣnig efeneald him
eorlscipe māran
on orette.
Āne sƿeorde
merce gemǣrde
ƿið Myrgingum
bi Fifeldore;
hēoldon forð siþþan
Engle ond Sƿǣfe,
sƿā hit Offa geslōg.

Fers x

Hrōþƿulf ond Hrōðgār
hēoldon lengest
sibbe ætsomne
suhtorfædran,
siþþan hȳ forƿrǣcon
ƿīcinga cynn
ond Ingeldes
ord forbīgdan,
forhēoƿan æt Heorote
Heaðobeardna þrym.

Fers xi

mænan fore mengo
in meoduhealle
hū mē cynegōde
cystum dohten.
Ic ƿæs mid Hūnum
ond mid Hrēðgotum,
mid Sƿēom ond mid Gēatum
ond mid Sūþdenum.
Mid Ƿenlum ic ƿæs ond mid Ƿærnum
ond mid ƿīcingum.

Fers xii

Mid Gefþum ic ƿæs ond mid Ƿinedum
ond mid Gefflegum.
Mid Englum ic ƿæs ond mid Sƿǣfum
ond mid ǣnenum.
Mid Seaxum ic ƿæs ond Sycgum
ond mid Sƿeordƿerum.
Mid Hronum ic ƿæs ond mid Deanum
ond mid Heaþoreamum.
Mid þyringum ic ƿæs
ond mid þroƿendum,

Fers xiii

ond mid Burgendum,
þǣr ic bēag geþāh;
mē þǣr Gūðhere forgeaf
glædlicne māþþum
songes to lēane.
Næs þæt sǣne cyning!
Mid Froncum ic ƿæs ond mid Frysum
ond mid Frumtingum.
Mid Rūgum ic ƿæs ond mid Glommum
ond mid Rūmƿalum.

Fers xiiii

Mid Sercingum ic ƿæs
ond mid Seringum;
mid Crēacum ic ƿæs ond mid Finnum
ond mid Cāsere,
se þe ƿīnburga
geƿeald āhte,
ƿiolena ond ƿilna,
ond Ƿala rīces.
Mid Scottum ic ƿæs ond mid Peohtum
ond mid Scridefinnum;

Fers xu

mid Lidƿīcingum ic ƿæs ond mid Leonum
ond mid Longbeardum,
mid hǣðnum ond mid hæleþum
ond mid Hundingum.
Mid Israhēlum ic ƿæs
ond mid Exsyringum,
mid Ebrēum ond mid Indeum
ond mid Egyptum.
Mid Moidum ic ƿæs ond mid Persum
ond mid Myrgingum,

Fers xui

ond Mofdingum
ond ongend Myrgingum,
ond mid Amothingum.
Mid Ēastþyringum ic ƿæs
ond mid Eolum ond mid Istum
ond Idumingum.
Ond ic ƿæs mid Eormanrīce
ealle þrāge,
þǣr mē Gotena cyning
gōde dohte;
...