Pakelang

Ira ko ci ramoday, cipadesay ato kaacangan a romi’ad, mimingay a demak mato pararamod to kapah ato kaying ato mipafahfah to adaday a pisalisin no cikawasay a demak, o tata’akay a demak i, mato paherek patireng to loma’, caay kaeca ira ko pakelang sanay a demak no Pangcah, deng itini i Fata’an a sa’etal ato Tafalong, onini kalipahakan a mifotingay a demak i , mili’alac han nangra, ci mapatayay ato cipadesay a demak, malepon ko demak, o pakelang han nangra, onini tosaay a demak todongay malepon to demak awaay to ko lisin sanay, o no laday to ko ’orip.

Orasaka, o pakelang mifoting hananay a demak i, o pipafahfah to tati’ihay i tatirengan a lisin koni, onian koya masaromaay a pinangan no Pangcah. No mifoting sato, deng o foting ko aalaen caay ka saan, i nanomay makaenay ho mangaay to maala, to laday anca o roma ko lisin no mawmahay, maaherek to ko pisalisin to masofoc, pararamod, mitadem, mangaay to pakelang a mifoting, oninian a demak i, deng o fa’inayan ko mamikapot, o fafahiyan itira to i loma’ mihalaka to kakaenen. Ono niyaro’ to a pisalisin, misakapoloongan to ko pifoting, mato miladis ko Sa’amisan a ’etal a finacadan, no pasawali i misacepo’, no Falangaw i mikesi’, no Siwkolan i mikomoris, onini a demak i, o pidoedo tona Siwkolang a taholican a mapatalahekal koni mifotingay a lisin no serangawan a demak.

• 台灣原住民族歷史語言文化大辭典
• 李景崇，1998，《阿美族歷史》，臺北：師大書苑。
• 達西烏拉彎‧畢馬，2001，《臺灣的原住民 : 阿美族》，臺北：臺原。
• 黄宣衞，2008，《阿美族》，臺北：三民。
• 巴奈‧母路，2010，《阿美族祭儀中的聲影》，花蓮：東華大學原住民民族學院。