I tiniay i tarawadaw a lomowad no Atolan, Co-o-dang (週武洞) han ko pipangangan no Holam, o ngangan no cecay a tomaok saan ko sowal, tada to mangodo no finawlan, moraraw to Holam ko Atolan hannanay a ngangan i kasakapingan, saka Atolan han to finawlan no Pangcah.
ora Atolan hananay a sowal, mitolang han no Pangcah. i ’ayawho, metalaw a militangal ko Iwatan to Pangcah, saka misanga’ to atol i taliyok no loma’, sa ira to Atolan hananay a ngangan no niyaro’. o roma i, ira ko cecay a kongko no Iwatan i kafafaw no Valankau ’alo (馬蘭溝) : i kawanan no lotok i Foyin ’alo( i `ayaw no foyin-fotikoan ), ira ko cecay Valankau hananay a sera, o kongko no itiniay ho a Pangcah, o sapiteli to ’okak no tangal no tamdaw. militangal ko lotokay a Iwatan to Pangcah i ’ayaw, ikol no pidasa’ i misarad to ’okak no tangal itini, o paysino on ’Amis, o tatiihay a sera saan no sowal ko Pangcah. i ka Riponan ho, Pa’ilasen han no Ripon a pangangan koni a niyaro’, mapapolong to Kangkonga, Morocan, Atolan, Langasan, Lacihakan, Ke’yatey ato Palaceng, polong han a pangangan to cecay Pa’ilasen sanay a ngangan. Tayhira to i minko’ko tolo polo’ ira ko ^nem a miheca, salatolo han to a paliyaw a pangangan ko Pi’ilasen,富民村, Lacihakan, han to tahamatini. talacowa adihay ko kongko no mato’asay i kasaniyaroaro’ , nikaorira awaay ko tilid no mita, orasaka adihay ko kapawanan to.
O Atolan a riyaro’, o mamangay a niyaro’i ilaloma’ay no Ruysuy-syang (瑞穗鄉 sowal no holam ) no Hualien-siyen (花蓮縣 sowal no holam ) ko Atolan , itini i ira ko tolo a niyaro’ pisaopoan i Fo-ming a niyaro’, o Morocan a niyaro、o Atolan a niyaro’, polong han kona tolo a niyaro’ sowal no holam i o Fo-ming a niyaro’ 富民村 hananay.
Talo’an no niyaro’
paytemek ira ko cecay a talo’an no niyaro’, o talo’an, o kasa’opoan no selal, o kasa’opoan no finawlan ano ira ko cara no niyaro’.o kakalimelaan a kasa’opoan to finawlan no niyaro’ to milipahak a sera ko Talo’an, o roma sato, i polong no masamaanay no Pangcah i laloma’ no cecay a mihecaan, o satata’akay haw i, ya ilisin no kaloniyaro’ itiniay i faloay a folad, onini a piilisinan a romi’ad, o kaolahan no mihololay a tayra mikapot to acang no kaloniyaro’.
’adipangpang a lotok
itini i no niyao’ no Atolan i, ira ho ko cecay o kaolahan no mihololay a tayra a mipalafang. i ’ayaw no Atolan a niyaro’ ira ko Foyin-Hotiko(蝴蝶谷), itini i ira ko lalanlalan no pala, o coyacoy no lotok, o cascas ato ’adipangpang, tada adihay ko ’adipangpang i lotok. sakatolo folad tangasa i sakafalo folad to mihecahecaan, tada pakaka a minengnengen to adipangpang ko ’adipangpang a lotok. ano tayni i mama’araw to masamaamaanay a ’adipangpang malecad to misakero. sakasiwa folad i to mihecahecaan, ira ko ‘alipaonay, yo to’eman to ko kakarayan, miyatmiyat sa ko ‘alipaonay i talotalodan kilangkilangan. caay kaeca aciyah hananay a romi’ad tangasa to i safaw cecay folad.
I tiniay i Ruysuy Siang(瑞穗) no Hualien(花蓮縣) ko Atolan a niyaro’, 107 ko sa’osi no parod no loma’, 292 ko sa’osi no tamdaw.
85% ko ka’aloman no Yincomin(原住民), polong han i, 247 ko tamdaw; o roma sato i, 15% ko ka’aloman no roma a finacadan, polong han i, 45 ko tamdaw.
O pasinto no ka’aloman no tamdaw no kasafinacadan(族群) i, o ’Amis(阿美族)80%, Bunun(布農族)1%, roma(其他)3%.
O Siwkolan a ’amis han ko Atolan a niyaro’ , na itira i tarawadaw no Kalingko talatimol tangasa i Cilamitay, nawhani maemin paniyaro’ i lawac no Siwkolan a tarawadaw sa mapangangan to Siwkolan a ’amis. i tiniay i Ruysuy-syang (瑞穗鄉 sowal no holam ) no Hualien-siyen (花蓮縣 sowal no holam ) ko Atolan a niyaro’, Itiniay i sa’amisan ira ko Fata’an, i satimolan ira ko Posko. iraay ko Kiwit a niyaro’, Olaw a niyaro’, Olalip niyaro’, Kalala a niyaro’, Sapat a niyaro’, Atolan a niyaro’, Langas a niyaro’, Lacihakan a niyaro’ , Koyo a niyaro’ ato Morocan a niyaro, falo a niyaro' ko kasaniyaro'aro' i Ruysuy-syang.
Tadasakenaay a pitooran no finawlan ko Fo-yen ciwlokiwkay, na o makatelang a elieli’an a kiwkay, ikor i cifaloco’ ko finawlan no kiwkay a misanga’ to kiwkayl no niyaro’. ta ira ko matiniay a ‘amoto a pitooran. o pitooran ko finawlan no Atolan i, kalimelaan ko sowal no Kawas, to sakafana’ to ’orip no tamdaw, ato awaay to ko kaka to nikafana’to codad how i. ora ma’araway a kiwkay i, o tingsikiw ato ciwlokiwkay, o ciwlokiwkay a tamdaw ko ka adihay. pakayni sa’opo no kinkay, malosakarikec sto sakarakat no ’orip no Yincomin, mamaan ca ko deamk no sapitolon ko niyaro’.
This article uses material from the Wikipedia Pangcah article Atolan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ano awa sa ko roma a sowal i, o CC BY-SA 4.0 sarocek a tilid ko sapipatorod tona maemin Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pangcah (DUHOCTRUNGQUOC.VN) is an independent company and has no affiliation with Wiki Foundation.