S Stimme-Feschtiwäl (dt.
Stimmen-Festival) isch e Musikfeschtiwäl, wu syter anne 1994 all Johr im Summer im Juli oder Augschte z Löörech un andere Ortschafte in dr Region im Dreiländereck Dytschland, Frankrych, Schwyz stattfindet. S Musikfescht het si mit bis iber 30.000 Bsuecher*ne zue aim vu dr greschte un erfolgrychschte Musik-Fesctiwäl z Siddytschland un dr Schwyz entwickelt. Im Friejoh isch s as Feschtiwäl vum Johr fir dr Live Entertainment Award (LEA) nominiert gsii un isch uf Blatz 2 vu 700 bsuechte Veraastaltige vu dr Jury chuu. Veraastalte duet s Stimme-Feschtiwäl d Burghof Lörrach GmbH in Kooperation mit verschidene langjehrige Partner vu Dytschland un dr Schwyz, deert u. a. mit em Kanton Basel-Landschaft un dr Gmai Rieche. Vu 1994 bis 2012 het dr Hemult Bürgel s feschtiwäl glaitet, syter 2013 macht des dr Markus Muffler.
S Feschtiwäl bietet all Oobe Kunzärt an verschidene Spielort, unter anderem im Burghof Löörech, im Löörecher Rosefelspark, im Remische Theater z Augscht oder z Rieche. Uf em zäntral glägene Alte Määrtblatz z Löörech git s di greschte Kunzärt vum Feschtiwäl.
Bresäntiert wäre Verdrätter*ne un Ensemble vu dr Gsangs- un Chormusik, dodrunter Stars us dr Rock- un Pop-Musik, dr Klassik un em Jazz. Hegschtpinkt vum Feschtiwäll sin als d Ufdritt vu nazionale un internazionale Musiker*ne us dr verschidenschte Genre (Blues, Folk, Jazz, Klassik, Pop, Rock). Ufdrätte sin im Lauf vu dr Johr zem Byschpel dr Bob Dylan, dr Bob Geldof, dr Bryan Ferry, dr Elton John, d Joan Baez, dr Lenny Kravitz, dr Leonard Cohen, dr Lionel Richie, d Marianne Faithfull, dr Mark Knopfler, dr Neil Young, d Patricia Kaas, d Patti Smith, dr Paul Simon un d P!nk, derzue drätte Newcomer, Solischte un Cheer uf, us dr Region un us dr ganz Wält.
Dä Artikel basiert uff ere fräie Übersetzig vu dere Version vum Artikel „Stimmen-Festival“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Stimmen-Festival, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.