Z Frankrych isch d Präfektur (franzöösisch préfecture) dè Amtsbezirk von èm Präfektè, sèllè Bezirk isch deggungsglych zum Department.
Ußerdèm bezeichnèt s Wort dè Hauptort (frz. chef-lieu) vom Amtsbezirk un èm Departement un s entschprechende Verwaltungsgebäude vom Präfektè un sim Mitarbeiterschtaab. D Präfektur bezièt sich also uff s glyche Gebièt wiè s Departement, unterscheidet sich abber im Uffgabègebièt un èm Voantwortungsberych vo dè Departementsvowaltig.
Im französischè Einheitsschtaat unterstòt d Präfektur im Innèminischterium z Paris, un dõdemit dè französischè Regyrig. Dè oberschte Vowaltungsbeamte von èm Département isch bis 1982 dè Präfekt (frz. préfet) gsi. Um diè dezentrale Strukturè z Frankrych z stärkè, hèt mò im Johr 1982 per Gsetz d Stellung vom Departmentrõt uff Koschtè vo dè Präfektur vobesserèt. Diè drunter ligendi Gliderungseinheit isch s Arrondissement, wo in èrè Unterpräfektur vorschtòt, wenn i dè Gmeind (frz. commune) nit scho d Präfektur sèlbscht isch. D Präfektur vo dè Hauptschtadt von èrè Region isch glychermassè d Präfektur vo sebbèrè Region.
D Vowaltungseinheit vo dè Präfektur isch è Yrichtung, wo zu dè Zit vom Konsulat unter m Napoleon Bonaparte gschaffè worrè isch un hèt bis hüt Bschtand.
Hüt git s z Frankrych 100 Präfekturè. È Uusnaam bildet dè Agglomeration vo Paris, wo d Bolizeipräfektur für d Départements Paris (Ordnungsnummèrè 75), Hauts-de-Seine (92), Seine-Saint-Denis (93) un Val-de-Marne (94) zämmègfasst sin. Diè zletscht gnenntè drei Départements hèn abber einèwäg iren Hauptort, wo ebbèfalls als Präfektur benamst wörd:
Sèll zeigt sich au bi dè Stationsnammè vo dè Métro un èm RER: Nanterre-Préfecture(RER A) sowiè Créteil-Préfecture(M8).
Dä Artikel basiert uff ere fräie Übersetzig vum Artikel „Präfektur (Frankreich)“ vu de dütsche Wiki Alemannisch. E Liste vu de Autore un Versione isch (Frankreich)&action=history do z finde. |
This article uses material from the Wikipedia Alemannisch article Präfektur (Frankreich), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.