Dr pfälzische Buurechrieg isch Deil vum allgmeine dytsche Buurechrieg am Mittel- un Oberryy.
D Erhebig im pfälzische Kurfirschtetum un syyre Umgebig het vu April bis Juni 1525 stattgfunde.
Dr Aafang vum dytsche Buurechrieg in dr linksryynische Pfalz wird dur d Bildig vum Nußdorfer Huffe bi Landau am 23. April 1525 markiert. D Pfälzer hän e baar Chleschter (dodrunter d Johanniter-Komturei Heimbach bi Zeiskam un s Auguschtinerchloschter Hördt) in dr Gegnig un Schlesser uusgraubt, voreb si am 6. Mai d Stadt Neustadt ohni Kampf yygnuu hän. D Programm vu dr Buurehyffe het d Zwelf Artikel as Grundlag gha. E zweete Huffe het sich bi Bockene bildet gha. Dr pfälzisch Kurfirscht Ludwig V. het sich zue Verhandlige mit em Geilweiler un em Bockener Huffe zwunge gsähne, wu 10. Mai z Forscht aagfange hän. D Chlage hätte uf eme Landdag sotte verhandlet wäre. Wu andri Firschte z Wirttebärg un im Elsiss d Ufständ nidergschlaa gha hän, isch dr Kurfirscht schließli ab em 23. Mai militerisch gege d Buurehyffe vorgange mit dr Unterstitzig dur Druppe vum Trierer Erzbischof. In dr Schlacht bi Pfleddersche sin di pfälzische Buurehyffe 23./24. Juni schließli ändgiltig gschlaa wore. 8000 Buure solle doderbyy dr Dod gfunde haa.
Dä Artikel basiert uff ere fräie Übersetzig vum Artikel „Pfälzischer_Bauernkrieg“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Pfälzischer Bauernkrieg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.